22:46 Вторник, 10 апреля 2012
Арадиоаефир

АРАДИО АҬОУРЫХ

Апрель 30, 1932 шықәса раахыижьҭеи аус ауеит Аҧсуа радио. Уи азы Ақәҵара рыдыркылеит Аҧснытәи АССР Ацентртә хеилак Апрезидиум аилатәараҿы. Усҟан, Аҧсуа радио ҧшь-сааҭк заҵәык ракәын аефиртә аамҭас иамаз. Раҧхьатәи аҧсуа дикторс дыҟан Сандро Сангәлиа, аредакторс Иуана Кәаҕәаниа.


1941 шықәсазы арадио аусура аанкылахеит, анаҩс уи ашықәсан, август мзазы еиҭахацыркхеит аредакциақәа русура. Аха, усҟан Қырҭтәылатәи арадиохеилак адҵала, аҧсуа радио атематикатә план шьақәыргылан қырҭшәалеи урыс бызшәалеи. Абас ала, иаҟәыхын аҧсуаа ҳбызшәала арадио аусура 1953 шықәсанӡа. Аҧсуа радио аредакторс дҟаҵан Артем Амқәаб.


1992-93 шықәсқәа рзы Аҧсуа радио адунеи аҟны зегь реиҳа иззыӡырҩуаз арадиостанциақәа жәаба ирхыҧхьаӡалан. Ҳаамҭазы, Аҧсуа радио еиҳа-еиҳа аусура аҽарҭбаауеит. Ишиашоу ицо аефиртә аамҭа иацлеит. Иааизакны, мышкы аефираҿы ҳаҟоуп жә-сааҭк. Ари аамҭа иалагӡаны, ҳзыӡрыҩцәа ишәыдаагалоит актуалра змоу аиҿцәажәарақәа, ауаажәларра-политикатә ҧсҭазаара зныҧшуа анҵамҭақәа, аинформациатә-арлахҿыхратә, ахәыҷтәы уҳәа адырраҭарақәа, иара убасгьы, азҿлымҳара зуҭаша еиуеиҧшым арубрикақәа.


Иахьа арадио иамоуп аредакциақәа ҧшьба: аҧсуа, аурыс, амузыкатә, иара убасгьы мшыннырцә инхо ҳџьынџьуаа рзы адырраҭара “аҧсадгьыл абжьы” еиҿызкаауа аредакциа. Иааизакны, аҧсуа радио аколлектив 23-ҩык рыла ишьақәгылоуп.


Aрадиостудиаҟны акамера он-лаин ахәаҧшра
Арадиожәабжьқәа
Арадио аҟны аӡыргара

Аимадарақәа

Арадио

аҧсуа редакциа – 226-61-44

 - аурыс редакциа – 226 -61-34

 Аҟәша 

аӡыргарақәеи алаҳәарақәеи, аҭел:

+7 840 226-61-38, +7 840 226-75-77

аел. ҧочҭа:  : apsua.radio@gmail.com  


,