Аџьынџьтәылатәи еибашьра ду аҿы игаз аиааира азгәарҭоит есышықәса «Идырам асолдаҭ” ибаҟа аҿаҧхьа.

09.05.2017
749

Есышықәса еиҧш сынтәагьы, Аҧсны жәлар иазгәарҭоит Аиааира ду амшныҳәа.  Иахьа ҳтәылаҿы иазгәаҭаз аныҳәатә усмҩаҧгатәқәа  зегьы ирылахәын ҳҭыхратә гәыҧқәа .  

Аџьынџьтәылатәи еибашьра ду аҿы игаз аиааира азгәарҭоит есышықәса «Идырам асолдаҭ” ибаҟа аҿаҧхьа. Аныҳәа амш аҽны арахь иааит аибашьра аветеранцәа, Аҧсны Ахада Рауль Ҳаџьымба, Жәлар Реизара аиҳабы Валери Кәарҷиа, Аҧсны иҟоу Урыстәыла ацҳаражәҳәаҩ Семион Григориев, Аҧсны аҧыза-министр Беслан Барцыц,   еиуеиҧшым аусбарҭақәа рхаҭарнакцәа, аҿар. Аиааира  амш хынҩеижәи жәаҩа  шықәса ахыҵра иазкыз аусмаҧгатә хацыркхеит ашәҭқәа рышьҭаҵарала.

Ирацәан еизаз ауаа, аду инаиркны ахәыҷы иҟынӡа. Аиааира  Ду зхы ақәызҵаз афырхацәа, зыҧсҭазаара иалҵхьоу аветеранцәа ргәаладыршәеит минуҭктәи аҿымҭрала.   Аныҳәамш иазкны еиҿкааз амитинг аалыртит Аҟәа ақалақь ахадара аҵараусбарҭа аиҳабы Лиудмила Адлеиҧҳа.

Аҧсны  Ахада ихаҭыҧуаҩ Витали Габниа иқәгылараҿы, ҳауаажәлари, аветаранцәеи ирыдыиныҳәалеит Аиааира ду амш Маи 9! Иазгәеиҭеит, аибашьраҿы аиааира згаз иаадырҧшыз  агәымшәареи, афырхаҵареи ртәы.   Ашколхәыҷқәа аибашьра иазкыз ажәеинраалақәа ирыҧхьеит. Анаҩс Аибашьреи аџьеи рвереранцәа Аҧснытәи рхеилак ахантәаҩы     Алықьса Шьониа аветеранцәеи ажәлари ирыдиныҳәалеит Аиааира Ду амш.
Маи 9  аҽны араҟа еизоит аибашьратә цәаҳәа аҟынтәи амца шоура иалҵыз   афырхацәа- аветеранцәа. Ари амш дара рзы акрызҵазкуа мшуп. Дара иргәаладыршәоит аибашьраан изыниоз ахҭысқәа, аҕа иҿагыланы ишеибашьуаз. Аветеран  Борис Қәҭарба иҳацеиҩыишеит игәалашәарақәа. Иара аибашьра ианалага- жәибжь шықәса ракәын ихыҵуаз.

Амитинг аҿы иубарҭан аибашьраҿынтә изыхнымҳәыз рфотосахьақәа. Урҭ рхы рыҧсы зықәҵаны ирыхьчаз абиҧарақәа ргәалашәараҿы наунагӡа иаанхоит.

Ҳауаажәлар рыҧсҭазаараҿы акрызҵазкуа, иҧшьоу ныҳәа мшқәаны иаанхоит   ҩ-рыцхәык,- маи жәбеи, сентиабр ҩажәи жәабеи.  Арҭ аҩ-рыцхәкгьы   наунагӡа Аиааира дуи  ахьыҧшымреи ирсимволны иҟазаауеит.  

Наала Чхьынџьериаҧҳа, Ҭемыр Гогохьиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Сергеи Багаҧшь ибаҟа ақәыргыларазы аконкурс рылаҳәахоит. Амонументалтә ҟазаразы аҳәынҭқарратә комиссиа аилатәара аихшьаалақәа.
11
Ахәаҧшцәа хәыҷқәа идырбан ауаҧс жәлар рҳәамҭақәа рмотивқәа рыла иқәыргылоу «Ашьхақәа рлегенда» захьӡу аспектакль.
5
Аминистрра асаит аҿы иаҧҵоуп ашәахтәшәаҩы иуада захьӡу амаҵзура.
3
Уаҟа ирылацәажәеит Аҧсны иналукааша аполитикатә усзуҩцәеи, аруааи, аҟазара аусхки рҿы зыхьӡ нагоу рбаҟақәа рықәыргылара азҵаара.
Алаҳәарақәеи адныҳәаларақәеи
АГТРК