Гəдоуҭа араион аҟны иазгəарҭеит Маи 9 аныҳəа!

09.05.2017
914

Аиааира амшынҳәа азгәаҭан Аҧсны араионқәа зегьы рҿы.
Ашықәсқәа цацыҧхьаӡа наунагӡа ҳгәалашәараҿы иаанхо  аибашьра ду аветеранцәа рхыҧхьаӡара иаҳа-иаҳа иагхоит. Ааҩык Гәдоуҭа араион аҿтәи аҧсадгьыл ахьчаҩцәа рахьтә аныҳәа зхы алазырхәыз хәҩык роуп. Егьырҭ ирылымшеит абаҟа амҵан ашәҭқәа рышьҭаҵара.

Аџьынџьтәылатә еибашьра ианалагоз 14 шықәса  ирҭысхьаз уажәы Афон ҿыц ақалақь аҟны инхо Алла Старченко илхылгаз анылгәалашәо, лылаҕырӡқәа лзынкылом.

Аибашьрақәа рҭоурых ала иааӡатәуп аҿар, даҽаџьара уи ҟамларц азы. Гәдоуҭа араион ашколхәыҷқәа абаҟа ашҟа инеиуан, аибашьра ду иалахәны изыхнымҳәыз, мамзаргьы зыҧсы ҭаны еиқәхаз рабдуцәеи, рҭынхацәеи рфотосахьақәа кны.

Аҧсны жәлар рџьынџьтәылатә еибашьра анцозгьы , 1941-45 шықәсқәа рзы уи амҩа ианысхьаз ацхыраара ҟарҵон ирылшоз ала.

Аҧснынтәи аибашьра ду иалахәыз рхыҧхьаӡараҿы имаҷҩымызт агәымшәареи афырхаҵареи аазырҧшыз .
Аиааира ду 72 шықәса ахыҵра иазкны Гәдоуҭа еиҿкааз аныҳәа убасгьы иалахәын  Аҧсныи Урыстәылеи ртәылахьчара аминистррақәа рырхәҭақәа.

Д.Инаҧшьба, А.Агәхаа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
9
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
16
Иара Аҧсны амилаҭтә олимпиатә еилакы аҿы  адныҳәаларақәа идикылон
17
Убри инамаданы имҩаҧган афонд ахаҭарнакцәа злахәыз апресс-конференциа.
29
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК