Адәныҟатәи аусқәа рминистрраҿы имҩаҧган апресс-конференциа

10.05.2017
546

Акурорттә аамҭазы Аҧсныи Урыстәылеи рҳәаа ахысра шымҩаҧысуа атәы иазааҭгылан Адәныҟатәи аусқәа рминистрраҿы имҩаҧгаз апресс- конференциа аҟны. Апресс-конференциа аҿы адәныҟатәи аусқәа рминистр ихаҭыҧуаҩ Кан Ҭаниа иҳәеит, аҵыхәтәантәи аамаҭазы амассатә - информациа ахархәагақәа рҟны ацәажәарақәа шцәырҵыз Аҧсныҟа ҧсшьараҳәа иаауа аҳәаанырцәтәи атуристцәа авиза аиураҿы аҧынгылақәа роуеит ҳәа . «Урҭ ацәажәарақәа ҵаҵҕәыдоуп,»- ҳәа азгәеиҭеит Ҭаниа. Иахьазы Ҧсоуаҳәаа ахысырҭаҿы аҧсшьаҩцәа рырманшәаларазы авиза ахьрырҭо аҟәша аартны иҟоуп. «Шәҟәыла еиқәшәо атурист ҧынгыла иоуам Аҧсныҟа ааразы,»- ҳәа азгәаҭан апресс-аконференциа аҿы . Иара убасгьы иҳәан, атуристтә визала Аҧсны аҳәаа иахысны иааз ауаҩы, анаҩс аусуратә хырхараҭаҟны ихы ишаирхәо анеилкааха, ахараҧса шидҵахо атәы. Аҧсны Акурортқәеи атуризми рзы аминистр ихаҭыҧуаҩ Асҭамыр Ахба иҳәеит, акурорттә аамҭа ишазыхиоу. « Ҳара хықәкыс иҳамоу иахьынӡауа ала Аҧсны атуристцәа радыҧхьалареи, ирыдаагало аалыҵ ахаҭабзиара аҳаракыреи,»- ауп ҳәа азгәеиҭеит Ахба. Аҧсны аҳазалхратә еилакы аиҳабы актәи ихаҭыҧуаҩ Мсоусҭ Шамба дазааҭгылеит, аҳәааҿы аҭагылазаашьа зеиҧшроу атәы , иҳәеит акурорттә аамҭазы ауааҧсыра аҳәаа рахысра шдырмарио. Аҧсны Амиграциатә Маҵзура аиҳабы ихаҭыҧуаҩ дазааҭгылеит аусуратә виза рыҭара шымҩаҧысуа атәы, мызкы иалагӡаны аусуратә виза зырҭаз рхыҧхьаӡара зықьҩык ишреиҳау. Апресс -конференциа аҿы ирылацәажәан егьырҭ азҵаарақәагьы. Фатима Гьергьиа, Беслан Џьынџьал ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
25
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
41
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
36
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК