Аҧсны Анаукақәа Ракадемиа аҟны имҩаҧысит Баграт Шьынқәба диижьҭеи шәы-шықәса аҵра иазку ахәылҧаз.

10.05.2017
449

Аҧсны Анаукақәа Ракадемиа аҟны имҩаҧысит Баграт Шьынқәба диижьҭеи шәы-шықәса аҵра иазку ахәылҧаз. Уи иалахәын  аҵарауаа, ашәҟәыҩҩы иҩызцәа. Еизаз иргәаладыршәеит Баграт Шьынқәба дызнысыз иҧсҭазааратә мҩа, иалацәажәеит ипоезиа.

Аиҧылара аартуа, Аҧсны Анаукақәа Ракадемиа аиҳабы Зураб Џьапуа иазгәеиҭеит ,Баграт Уасил-иҧа Шьынқәба амилаҭтә литература адунеитә литература аҩаӡара аҟынӡа ихазгалаз шәҟәыҩҩуп ҳәа.  Уи иаҧҵамҭақәа еиҭагоуп еиуеиҧшым абызшәақәа рахь. Баграт Шьынқәба иҩымҭа «Ацынҵәарах» иабзоураны адунеи зегьы иадыруа иҟалеит амҳаџьырра ҳажәлар ирзаанагаз агәаҟра.  

Баграт Шьынқәба дуаажәларратә усзуҩын, бызшәадырҩын, инапы рылакын еиуеиҧшым ахырхарҭақәа. Араҟа иқәгылоз ҳаҧсуа шәҟыҩҩцәеи, апоетҵәеи иазгәарҭон,  егьа аамҭа царгьы, дара рзы, иара дҿырҧшыганы дшаанхо. Ашәҟәыҩҩы Мушьни Лашәриа иҳәоит, Баграт Шьынқәба ихатә рҿиамҭақәа рнаҩсгьы қәҽиарала ишеиҭеигоз аҳәаанырцәтәи ашәҟәыҩҩцәа рҩымҭақәагьы.
  
Апоет ажәеинраала иҩуа далагеит дышқәыҧшӡаз. Раҧхьатәи иажәеинраала аҧиҵеит 17 шықәса анихыҵуаз. Еизаз ирҳәон, иахьатәи аамҭазы ашәҟәыҩҩы ипоезиа анырра ду шанаҭаз уи ишьҭанеиуаз аҿарацәа рпоезиа. Баграт Шьынқәба хаҭала ибзианы дыздыруаз иргәаладыршәон ,иара аҧсҭазаараҟны иҟазшьа иуаҩышьа.
Ахəылҧаз аҟны иҳəан ,Баграт Шьынқәба ииубилеи иадҳәалоу аусқәа ишрыцҵахо ашықәс нҵәаанӡа.

Сариа Смырҧҳа, Роберт Ломиа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
97
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
95
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
107
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
215
14 Февраль 2018
203
Загрузка плеера
Алаҳәарақәеи адныҳәаларақәеи
АГТРК