2017 ш. Аҧсны Жәлар рпоет Баграт Шьынқәба ишықәсны иҧхьаӡоуп.

10.05.2017
701

2017 ш,  ишдыру еиҧш,  Аҧсны Жәлар рпоет Баграт Уасил-иҧа Шьынқәба ишықәсны иҧхьаӡоуп. Ирацәоуп апоет ииубилеи иазкны ҳтәылаҿы  имҩаҧыргахьоу ахәылҧазқәеи, аиҧыларақәеи.

Аҧсны иҭыҵуа агазеҭқәеи ажурналқәеи ирнылеит ашәҟәыҩҩы ирҿиамҭақәа. Аҟәатәи акьыҧхь аҩнаҿы иҭыҵит х-томкны иҟоу Баграт Шьынқәба иалкаау иҩымҭақәа реизга урыс бызшәала, иҭыҵраны  иҟоуп ҩ-томк аҧсышәала.

Баграт Уасил-иҧа   диижьҭеи шәышықәса аҵра инадҳәалан,  ажурнал «Алашара»  адаҟьақәа ирнылоит   апоет ирҿиамҭақәа, убасгьы иара изку  ашәҟәыҩҩцәа ргәалашәарақәа.

Ҷыдала иазааҭгылатәуп,  Баграт Уасил-иҧа иалкаау иҩымҭақәа реизгақәа рҭыжьра. Урҭ ҭыҵит урыс бызшәала х-томкны,  рхыҧхьаӡара зқьы цыра рҟынӡа инаӡоит.Иаарласны   аҧсышәала даҽа ҩ-томк рҭыжьра азгәаҭоуп .

Иара убас Аҧснытәи Аҳәынҭқарратә Университет аҿы еиҿыркаауеит хыҧхьаӡара рацәала аусмҩаҧгатәқәаа. Урҭ ируакуп  агазеҭ «Аҧсуа Университет» аҭыжьымҭа ҷыда.
Сентиабр мзазы, аҵара  шықәс инаркны Аҳәынҭқарратә университет аҿы   аҵара бзиаӡан изҵо рзыҳәан,Баграт Шьынқəба ихьӡ зху астепендиа алагалара азгәаҭоуп.

Аҧсны жәлар рпоет, академик Баграт Шьынқəба. диижьҭеи шәышықәса аҵра инамадан арҭ амшқәа рзы акьыҧхь абеит аҧсышәалеи урысшәалеи иҭыҵуа алитературатә газеҭ аҭыжьымҭа ҷыда «Еҵәаџьаа».
Агазеҭ актәи адаҟьаҿ  иануп академик Мушьни Лашәриа «Баграт иеҵәахә» захьӡу истатиа.Анаҩс иаҳҧылоит еиуеиҧшым ашықәсқәа раан иаҧҵаз, аурыс бызшәахь еиҭагоу жәлар рпоет иажәеинраала лыҧшаахқәа.Урҭ еиҭаргеит еицырдыруа аурыс поетцәа Константин Симонов, Белла Ахмадулина,Евгени Евтушенко.

«Аҩадара уалс изду» ахьӡуп араҟа икьыҧхьу Аҧсны жәлар рышәҟәыҩҩы Алықьса Гогәуа инарҭбаау истатиа. «Аҟаза ду» ҳәа хьӡыс иамоуп  аҭыжьымҭаҿ иаҳҧыло еицырдыруа акритик, Владимир Аҵнариа истатиа.
Аиубилеи азгәаҭаразы иаҧҵоу акомиссиа ҷыда апрограмма инақәыршәаны,  лаҵара мза жәеиза рзы Аҟәа иара дахьынхоз аҩны аҟны иаартхоит ибарельеф, ибаҟа амҵан ашәҭқәа шьҭаҵахоит, ауснагӡатәқәа хыркәшахоит иқыҭа гәакьа  Ҷлоу, иҩны амузеи аҟны аиҧылара амҩаҧгарала
Хымз раахыс Аҧсуа телехәаҧшра  апроект «Ацынҵәарах”, Аҧхьара» аҭыхрақәа мҩаҧысуеит Аҧсны ахы-аҵыхәа, Москва Ҭырқәтәыла, Нхыҵ-Кавказ. Хара имгакәа уи аефираҿ ателехәаҧшцәа идырбахоит. Иара убас лаҵарамза жәаҩа рзы, Аҧсуа ҳәынҭқарратә драматә театр аҟны имҩаҧгахо Баргат Шьынқәба игәаларшәаратә хәылҧазы ишиашоу ицо аефир ала ателехәаҧшцәа идырбахоит.

Амра Зарандиаҧҳа, Саид Агәхаа, Ельдар Дамиров, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
137
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
125
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
146
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
77
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК