Аҧсны анапхгара иҟарҵаз ацхыраара иабзоураны, ақыҭа ауааҧсыра рыдгьылқәа гектарк аҟынӡа хәыда ҧсада ирцәаҕәоит.

10.05.2017
471

Сынтәа, Аҧсны анапхгара иҟарҵаз ацхыраара иабзоураны, ақыҭа ауааҧсыра рыдгьылқәа гектарк аҟынӡа хәыда ҧсада ирцәаҕәоит. Араионқәа зегьы рҟнеиҧш аусурақәа цоит Тҟәарчал араион аҿгьы.

Котик Џьынџьал ҧшьынҩажәи жәаха шықәса раахыс Атышаду ақыҭан дынхоит. Есышықәса дықәаарыхуеит абри ижәбо адгьыл аҟны. Аҽаҩра бзиахарц  азы, адгьыл ишахәҭоу аус адулазароуп, иҳәоит анхаҩы. Ишыжәбо еиҧш, араҟа  ииашарам дгьылуп, иаҭахуп иҷыдоу атехника. Араион иахьаҵанакуа ақыҭақәа рҟны ас еиҧш иҟоу аҭыҧқәа маҷӡам.

Аҧсны ахада иҟаиҵаз ацхыраара иабзоураны, егьырҭ араионқәа рҟнеиҧш Тҟәарчал араион аҿгьы ихацыркын анхаҩцәа рыдгьылқәа гектарк аҟынӡа хәыда ҧсада ацәаҕәара. Аусурақәа цоиижьҭеи мызкы иназынаҧшуеит.
Алик Санба Аҟәарчаҧан ақыҭан дынхоит. Есышықәса гетар бжак адгьыл дықәаарыхуеит.Аус здиуло адгьыл аҟны атехника ахьзымнеиуа аҭыҧқәагьы ыҟоуп, убри аҟынтә ихы иаирхәоит аҽыи акәаҭанеи.
Тҟәарчал ақыҭа ҩажәижәаба гектар инацны адгьыл аус адыруларц аплан аҿы иарбоуп, уи атәы иҳәеит ақыҭа аиҳабы Валери Қаџьаиа.

Тҟәарчалтәи амашьына технологиатә станциа аиҳабы (МТС) Витали Воуба иазгәеиҭеит, аплан иарбоу адгьылқәа рнаҩс, анхаҩцәа иҟарҵо аҳәарала уи аҳәаақәа ишырҭысуа. Иара убас ацәаҕәараан кыр зхыҵуа атехника инаароу адгьылқәа рыцәаҕәараан атехника ааха шаиуа. Уи арҽеира аҟны анхаҩцәагьы изларылшо ала ацхыраара ҟарҵоит.

Ҳзыҿцәажәаз ауааҧсыра ҭабуп ҳәа ахырҳәаауеит,аҳәынҭқарра ахадареи, иара убас араион анапхгареи ирзыҟарҵо ацхыраара.

Тҟәарчал араион амашьына технологиатә станциа аиҳабы иажәақәа рыла,  араион иаҵанакуа ақыҭақәа рҟны адгьыл аус адулара, амш ирнаҭар мчыбжьқәак рыла ихыркәшахоит.

Асмаҭ Шьакаиа, Беслан Чхьынџьериа,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
195
14 Февраль 2018
189
14 Февраль 2018
165
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
140
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
207
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
157
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
120
Загрузка плеера
Алаҳәарақәеи адныҳәаларақәеи
АГТРК