Ареспубликатə хəышəтəырҭаҟны имҩаҧысит аҭҵаара-практикатə конференциа.

11.05.2017
850

Аклиника-лаборатортә диагностика ахаҭабзиара аизырҳара иазку Москватәии Санкт-Петербургтәии аспециалистцәа алархәны аҭҵаара-практикатә конференциа мҩаҧысит Ареспубликатә хәышәтәырҭаҿы.

Абар хәышықәса иреиҳауп Аҧсны ареспубликатә хәышәтәырҭеи академик Павлов ихьӡ зху Санкт-Петербургтәии аҳәынҭқарратә медицинатә университети аусеицуреи апрактикатә ҧышәа аимдареи рзы аиқәшаҳаҭра рыбжьарҵеижьҭеи.

Уи аҳәаақәа ирҭагӡаны, аклиника-лаборатортә диагностика ахаҭабзиара аизырҳара иазку,  АСПИД аҧырҟәҟәааразы Москватәи афедералтә ҭҵаара-методикатә центр аспециалист Васили Шахгильдиани,  Европатәи алаборатортә медицина  Афедерациа алахәыла-корреспондент Светлана Ковалевскаиеи алархәны,  аҭҵаара-практикатә конференциа Ареспубликатә хәышәтәырҭаҿы имҩаҧысит.
Аконференциа алахәыла аҳақьым-аинфекционист Васили  Шахгильдиан иажәақәа рыла, хәышықәса рыҩныҵҟала имҩаҧгахаз аҭҵаара-практикатә усмҩаҧгатәқәа рҿы Аҧснытәи аҳақьымцәа иахьатәи аамҭа иақәшәо амедицинатә мыругақәа рхархәаразы  адыррақәа рацәаны ироуит.

Шахгильдиан иара убас иазгәеиҭеит, Аҧсны ахәышәтәырҭақәа рҿы иахьатәи аамҭа иақәшәо алабораториақәа реиҿкаара аперспектива шамоу, уи аусураҿы  Аҧснытәии Урыстәылатәии аҳақьымцәа аҧышәа шеимырдало.    
Асеминар аҿы,Санкт-Петербургтәи  аспециалист Светлана Ковалевскаиа далацәажәеит,  иахьатәи аамҭазы ачымазаҩ изы алабораториатә диагностика ахысраан,  ииашоу алҵшәа аиура аҵак ду шамоу, насгьы уи ашьақәырҕәҕәаразы аҳақьым ихы иаирхәо амыругақәа.

Аспециалист лажәақәа рыла, аҭыҧантәи адиагностикатә лабораториақәа русура алҵшәа бзиақәа ирыбзоураны, ауаҩы ицәа  иалоу  ачымазара аилкааразы, аҳәаанырцәтәи ахәышәтәырҭақәа рахь ацара иқәшәаӡом.  

Саид Џьарсалиа ,Ельдар Дамиров, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Сергеи Багаҧшь ибаҟа ақәыргыларазы аконкурс рылаҳәахоит. Амонументалтә ҟазаразы аҳәынҭқарратә комиссиа аилатәара аихшьаалақәа.
11
Ахәаҧшцәа хәыҷқәа идырбан ауаҧс жәлар рҳәамҭақәа рмотивқәа рыла иқәыргылоу «Ашьхақәа рлегенда» захьӡу аспектакль.
5
Аминистрра асаит аҿы иаҧҵоуп ашәахтәшәаҩы иуада захьӡу амаҵзура.
3
Уаҟа ирылацәажәеит Аҧсны иналукааша аполитикатә усзуҩцәеи, аруааи, аҟазара аусхки рҿы зыхьӡ нагоу рбаҟақәа рықәыргылара азҵаара.
Алаҳәарақәеи адныҳәаларақәеи
АГТРК