Аҧсны Ахәаахәҭра-аглыхратә палата ааҧхьарала, Аҧсны иааны иҟоуп Ливанынтәи аделегациа.

11.05.2017
986

Аҧсны Ахәаахәҭра-аглыхратә палата ааҧхьарала, арҭ амшқәа рзы  официалтә визитла Аҧсны иааны иҟоуп  Ливанынтәи аделегациа.  Аделегациа хадара азнауеит  Ливан иҟоу ачеркессцәа рассоциациа.

Иазгәаҭатәуп, Ливанынтәи аделегациа Аҧсны раҧхьаӡакәны ишаҭаауа. Аделегациа  аилазаараҿы иҟоуп   Ливан иҟоу ачеркессктә диаспора ахаҭарнакцәеи, иара  убас  абизнеси аусдкылареи знапы алакуи.

Аҧсны Ахәаахәҭра – Ааглыхратә палата  ахаҭарнакцәа  ҩнызқьи жәохә шықәсазы Ливан рыҟазаара иалагӡан аҩ-тәылак ирыбжьарҵаз аиқәшаҳаҭрақәа   ирылҵшәахеит  арҭ амшқәа рзы аделегациа Аҧсныҟа раара.
Ассоциациа  ахаҭарнакцәа  Аҧсны рыҟазаара иалагӡаны имҩаҧыргеит  имаҷымымкәа аиҧыларақәа, ирҧылеит Аҧсны иҟоу ачеркессцәа  рхаҭарнакцәа, идырбан Аҧсны аҭыҧҧшӡарақәа.

Аиҧылара ҩ-хәҭак рыла ишьақәгылан.  Актәи ахәҭаҿы «Ливантәи  Ачеркессцәа рассоциациа» ахаҭарнакцәа азааҭгылеит  рус ҵакыс иамоу. Иазааҭгылеит  иара  убас  Ливан инхо зхыҧхьаӡара шәнызқь рҟынӡа инаӡо ачеркессцәа ирыҧсҭазаашьоу.

Ҳаҧхьаҟа,  Аҧсны инхо  ачеркессцәеи Ливан  инхои аимадара рыбжьаҵара азгәаҭоуп. Убас, Ассоциациа ахада Сариа Абдельраззак инарҭбаан дазааҭгылеит  раҧхьаҟа ассоциациа аусура аҳәаақәа ирҭагӡаны   Аҧснынтәи  Ахәаахәҭра-ааглыхратә палата ахаҭарнакцәа ааҧхьара шрымоу Ливанҟа,   уаҟа   мҽхакы ҭбаала имҩаҧысло  еиуеиҧшым аҳәынҭқаррақәа злахәхо аконференциахь. Ассоциациа ахада  инаҵшьны иазгәалҭеит, ихадароу ауснагӡатәқәа ишыруакхо  Ливан аҳәынҭқарраҿы   Аҧсны  ахаҭарнакра  аартра .

Аиҧылара аҩбатәи ахәҭаҿы Аҧснытәи ахәаахәҭра-ааглыхратә палатеи Ливан ачеркессцәа рассоциациеи рнапы аҵарҩит аҩ-тәылак ирыбжьарҵаз аиқәшаҳаҭра,  ари ашәҟәы ианыҧшуеит  ирцеизеиҧшу азҵаарақәа наҟ-наҟгьы аҩ-ҳәынҭқаррак рыбжьара аусеицура алыршара  хықәкыс измоу.  
Адокумент рнапы анаҵарыҩ анаҩс, аҩ- ганкгьы  аҳамҭақәа  еимырдеит.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
10
Иара Аҧсны амилаҭтә олимпиатә еилакы аҿы  адныҳәаларақәа идикылон
13
Убри инамаданы имҩаҧган афонд ахаҭарнакцәа злахәыз апресс-конференциа.
24
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК