Арҭ амшқәа рзы Урыстәыла имҩаҧысит жәларбжьаратәи амузыкатә фестиваль.

11.05.2017
1471

Арҭ амшқәа рзы Урыстәыла имҩаҧысит жәларбжьаратәи амузыкатә фестиваль. Уахь ааҧхьара рыман Аҧснынтәи ашәаҳәаҩцәа. Дара Аҧсныҟа ихынҳәит аҧхьахәтә ҭыҧқәа рыманы.

Маи мза 3 инаркны  7-нӡа Москва  имҩаҧысит жәларбжьаратәи амузыкатә фестиваль «Урыстәыла Аиҭаира.» Уи иалахәын Молдова, Ҭырқәтәыла, Ермантәыла Украина уҳәа егьырҭ атәылақәа рҟынтәи ашәаҳәаҩцәа. Аҧснынтәи ааҧхьара рыман ашәаҳәаҩ Аида Маланӡиаҧҳа напхгара зылҭо агәыҧ «Анасыҧ». Хәымш имҩаҧысуаз амузыкатә конкурс алахәцәа рзы еиҿкаан аҧышәа аимдараз  еиуеиҧшым авокалтә еицлабрақәа. Жәынтәны имҩаҧысыз афестиваль « Урыстәыла аиҭаира» ханҩыжәижәаҩык инареиҳаны иалахәыз  аконкурсантцәа  рхы аадырҧшуан акуашараҿ, ашәаҳәараҿ иара убас афольклортә еицлабраҿ. Лассы еиҿкаалатәуп абри еиҧш зыҩаӡара ҳараку амузыкатә фестивальқәа,уи еиҵагыло аҿар рзы кыр аҵанакәеит лҳәеит агәыҧ «Анасыҧ» анапхгаҩы Аида Маланӡиаҧҳа.

Иазгәаҭатәуп, агәыҧ «Анасыҧ» еиҿкааужьҭеи шықәсқәак шҵуа, уи аамҭа иалагӡаны Аҧсны анҭыҵ изныкымкәа иқәгылахьеит иааныркылахьеит актәи аҭыҧқәа, убас акәхеит уажәгьы. Хаҭалатәи авокалтә ҟазара азы Асиаҭ Ҳапати Теона Тачулиеи иааныркылеит актәи аҭыҧқәа, Саид Шамба аҩбатәи аҭыҧ, “Ахьтәы диплом” даҧсахеит Аида Маланӡиаҧҳа.

«Урыстәыла Аиҭаира»захьӡыз афестиваль анхыркәша анаҩс, иалкаахаз Аҧснынтәи ашәаҳәаҩцәа ааҧхьара роуит аиааира ду иазкыз аконцерттә программахь.

Аҵыхәтәаны, Аҧснынтәи  ашәаҳәаҩцәа лҭааит Москва ателеканал НТВ аҿы имҩаҧысуа аконкурс “ТЫ СУПЕР” иалахәу Валериа Адлеиба, уи лара гәахәара дуны илыдылкылеит.

Милана Адлеиба, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
70
15 Август 2018
59
Араҟа еизгаз аҧара афонд« Ашана »иахыҧхьаӡалахоит .
15 Август 2018
63
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
57
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК