Баграт Шьынқəба диижьҭеи 100 ш. ҵит.

12.05.2017
612

Аҧсны  Жәлар  рпоет,   Ҟабарда-Балкариеи  Адыгеи  Жәлар рышәҟәыҩҩы,  Дырмит  Гәлиа   ихьӡ  зху   Аҳәынҭқарратә  премиа  алауреат ,  «Ахьӡ -аҧша» аорден   актәи  аҩаӡара  занашьоу,  Баграт  Уасил- иҧа  Шьынқәба  диижьҭеи     шәышықәса  ҵит.    Апоет   дыргәаладыршәарц  Аҟәа  ибаҟа  амҵан   ашәҭшьыҵәрақәа  шьҭарҵеит  Аҳәынҭқарра  ахада Рауль  Ҳаџьымба,  Жәлар  реизара  аиҳабы  Валери  Кәарҷиа ,  адепутатцәа,  аиҳабыреи    ауаажәларреи  рхаҭарнакцәа,  ашколхәыҷқәа.

Аҧсны Жәлар рпоет  Баграт  Шьынқәба  иажәеинраалақәа  цәаҳәак    иадамхаргьы  ҿырҳәала  изгәаламшәо маҷҩуп. Иара  ибызшәа  цқьан  иласын .    Баграт  Уасил-иҧа аҧсуа  литература  аҿиараҿы    илагала ду   аанижьит.  Уи  иҩымҭақәа   еиуеиҧшым  абызшәақәарахь  еиҭаргахьеит. Ирҿиамҭақәа ирылхны  акинофильмқәа ҭырххьеит.

Апоет  имшира  аҽны  Аҟәа  иара  анышә  дахьамадоу   ибаҟа  амҵан  ашәҭшьыҵәрақәа  шьҭарҵарц  инеит   Аҳәынҭқарра  Ахада  Рауль  Ҳаџьымба, Жәлар  реизара  Аиҳабы Валери  Кәарҷиа,  адепутатцәа, аиҳабыра  реилазаара,  ашәҟәыҩҩцәа ,  ауаажәларра  рхаҭарнакцәа  ашколхәыҷқәа.
Баграт  Уасил  иҧа -  Шьынқәба   дыздыруаз  ирҳәоит , уи  илаз  ауаҩреи,  аразреи, иҧсадгьыли  иуаажәлари  рахь имаз  агәыбылреи,  даҽакы  ишаламҩашьоз.

Баграт  Шьынқәба  аҧсуара  иазышәаҳәоз  дреиуан. Изааигәаз еснагь  дрыхӡыӡаауан.   Апоет  имаҭа  Леуан  Миқаа     иҳәоит,  иабду  иҿиҵааз  шырацәоу.   Иҩымҭақәа  ракәзар  еснагь  ишицу.
   Баграт  Шьынқәба   ибаҟа аҿаҧхьа ашколхәыҷқәа  инаеимда-ааимдо  апоет  иажәеинраалақәа  ирыҧхьеит.
    
Баграт  Шьынқәба  ицәаҳәақәа-  «Жәлар  рыбзиабара  ҟьалан  иааӡом. Иалнахыз  далнахт-  иаҧсам  дабаӡом», апоет ихаҭа изукыр алшоит.  Ашәышықәсқәа  царгьы,  аҧсуа  милаҭтә  литература  аҿы  зышьҭа ҕәҕәаны иаанзыжьыз  Баграт  Уасил -иҧа  Шьынқәба  игәаларашәара  еснагь  ижәлар ирыцзаауеит.

Фатима Гьергьиаҧҳа, Саид  Агәхаа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
18
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
13
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
7
17 Август 2018
12
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
8
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК