Аҟәатәи Ацәыргақәҵатә зал хадаҟны иаартуп Баграт Шьынқəба ирҿиара иазку ацəыргақəҵа.

12.05.2017
623

Жәлар рпоет Баграт Шьынқәба ирҿиареи, инысмҩеи  зныҧшуа  афотосахьақәеи, зегь еицырдыруа ироман «Ацынҵәарах» аиллустрациақәеи рцәыргақәҵа аартын Аҟәатәи Ацәыргақәҵатә зал хадаҟны.

Ажәа азҟаза-Баграт Шьынқəба ииубилеи  иадҳәалоуп  ари ацәыргақәҵа  аартра. Иара еиднакылеит шәкы инреиҳаны, еиуеиҧшым аамҭақәа рзы  апоет иҧсҭазаара  аазырҧшуа афотоҭыхымҭақәа. Игәаумҭарц  залшомызт дара рхыҧхьаӡараҿы ишыҟаз  Баграт Уасил-иҧа иҧсеиҧш бзиа  иибоз, раҧхьатәи ишьаҿақәа ахьеихигаз, хыҧхьаӡара рацәала ацәаҳәақәа ззикхьо Ҷлоу ақыҭан иҭыхыз афотосахьақәа. Дара инарҵаулан иаадырҧшуеит  апоет иҧсадгьыл ахь имаз  абзиабара  ҷыда.  Иазгәаҭатәуп, ицәыргоу афотосахьақәа зегьы рхатә ҭоурых шрымоу, еизгоуп аҭаацәаратә архив аҟнытә, иҟоуп раҧхьаӡа акәны аҭааҩцәа ирыдгалазгьы. Иара убас, араҟа ицәырган  Адунеи абызшәақәа жәпакы рахь еиҭагоу  аҭоурыхтә  роман «Ацынҵәарах» ала аҧсуа сахьаҭыхыҩцәа иаҧырҵаз аиллустрациақәа.

Акультуреи аҭоурыхтә-культуратә ҭынха ахьчареи рминистр Ельвира Арсалиаҧҳа илҳәеит, ҩымыз раахыс  ацәыргақәҵазы  - афотосахьақәа аидкылара ишаҿыз.

Ацәыргақәҵа  аартра иалахәыз ирҳәон, арҭ афотосахьақәа ганрацәала апоет иҧсҭазаара шаадырҧшуа.

Афотоцәыргақәҵаҿы  иӡырган ааигәа акьыҧхь збаз х-томкны  иҟоу Баграт Уасил-иҧа иалкаау иҩымҭақәа  реизгақәа. Апоет иуацәа иҭабуп ҳәа рарҳәеит  абас еиҧш иҟоу ацәыргақәҵа еиҿызкааз зегьы.
Афотоцәыргақәҵа  аартра иалахәын Ҟабарда Балкариантәи, убас егьырҭ Нхыҵ Кавказтәи ареспубликақәа рҟынтәи иааз асасцәа,Аҧсны ахадара, апоет   иҭаацәа, иҩызцәа, ибзиан дыздыруаз, ауаажәларратә усзуҩцәа. Дара ирҳәон,  жәлар рпоет игәаларшәара ашықәсқәа иргәылган  аагара аҵак ду шамоу.  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
18
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
13
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
7
17 Август 2018
12
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
8
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК