Ауаажəларратə палата имҩаҧнагеит аилатəара.

12.05.2017
656

Аҧсны ауаажәларратә палата имҩаҧнагаз аилатәараҿы ицәырган арҩышьыгатә маҭәашьарқәа рыдкылареи, рыларҵәареи ирҿагыланы ақәҧара арҕәҕәаразы иаздырхиаз апроект.  Аиҧыларахь ааҧхьара рыман Жәлар реизара адепутатцәа, аҩныҵҟатәи аусқәа рминистрреи агәабзиарахьчареи, аҵарадырреи рхаҭарнакцәа.

Арҩышьыгатә маҭәашьарқәа рыдкылара иахҟьаны ҳтәылаҿы амҩатә машәырқәеи, ауаҩшьрақәеи, аҽшьрақәеи рацәахеит. Анаркотикатә маҭәашьарқәа здызкыло еиҳарак аҿар роуп аҟнытә Аҧсны аҧеиҧш ашәарҭара иҭагылоуп, ҳәа азгәарҭеит Ауаажәларратә палата аилатәараҿы.

Ауаажәларратә палата амаӡаныҟәгаҩ лхаҭыҧуаҩ Даниил Убириа иажәақәа рыла, ари апроблема аҳәынҭқарра аргылара  ҵнашәаауеит, азҵаара аӡбаразы ганрацәала аусура аҭахуп. Зегьы ирыцку – хатәгәаҧхарала анаркоманцәа рыхәышәтәреи, атәылахь изакәанымкәа арҩышьыга алагалареи  раанкылара ауп.
Аҧсны Жəлар Реизара адепутат Рауль Лолуа иажəақəа рыла, ас еиҧш иҟоу ауадаҩра амилаҭ зегьы ашәарҭара иҭанаргылоит. Иахьатәи аамҭазы, арҩышьыга џьбара  аҧшаара мариахеит, аинтернет иабзоураны», – азгәеиҭеит иара.  

Лолуа иара убас иазгәеиҭеит, анаркотикатә маҭәашьарқәа рылазырҵәо ауаа раанкылареи, рус аӡбареи анаҩс  ирыдҵоу ахьырхәра шырхыргои ахылаҧшра шаҭатәуи.
Аилатәара иалахәыз Аҧсны аҩныҵҟатәи аусқәа рминистрра апресс-маҵзура аиҳабы Ирина Киут, аҵыхәтәантәи ашықәсқәа рзы анаркотикатә маҭәашьарқәа рыдкылареи рыларҵәареи рзы ашьауҕатә ус иақәыршәоу ауаа рхыҧхьаӡаразы   астатистика аалгеит. Лара лажәақәа рыла, урҭ есышықәса ҩынтәны иазҳауеит.  

Иара убас астатистика ааган Аҧснытәи анаркодиспансер аҟынтәи. Уи ахәышәтәырҭа аспециалист Елена Вартикиан ишазгәалҭаз ала, аҵыхәтәантәи аамҭазы, адиспансер аҿы инарго аҿар рхыҧхьаӡара акырӡа иацлеит. «Зықәра  намӡац ақәыҧшцәа, иахьазы ирыдыркылоит, еиуеиҧшым ахәшәқәа еилаҧсаны, уи анаркотикатә маҭәашьар иашьашәалоуп», – ҳәа азгәалҭеит лара.
Арҩышьыга адкылара аҧырҟәҟәааразы, Аҧсны еиуеиҧшым ауснагӡатәқәа рыдыркылоит, аха урҭ рылҵшәақәа маҷуп. Атәылаҿы, аҭагылазаашьа  арҽеиразы хаҭалатәи азнеишьеи комплексла аусурақәеи еиҿкаатәуп.  

Саид Џьарсалиа, Саид Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
137
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
125
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
146
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
77
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК