Ҳџьынџьуаа аҧсадгьыл ахь рырхынҳәразы аилак аҧшьгарала еиҿкаауп « Владислав иацы, иахьа, уаҵәы» ҳәа хьӡыс измоу аиҧыларақәа.

12.05.2017
555

Аҧсны  Раҧхьатәи  Ахада  Владислав  Григори- иҧа   Арӡынба  диижьҭеи   хынҩажәи жәаҩа шықәса   ҵуеит   маи жәиҧшь  рзы.

Убри ахҭыс   инамаданы,  ҳџьынџьуаа  аҧсадгьыл  ахь рырхынҳәразы  аилак    аҧшьгарала    еиҿкаауп  « Владислав   иацы, иахьа, уаҵәы» ҳәа хьӡыс измоу  аиҧыларақәа. Иахьа  уи  аҳәаақәа ирҭагӡаны имҩаҧгаз  аиҧылара   иалахәын  Владислав Григори- иҧа   иааигәа игылаз  ауаа .
  
Ҳџьынџьуаа  аҧсадгьыл ахь рырхынҳәразы    аилак    аҟны  имҩаҧгаз  аиҧылара   ашҟа  ааҧхьара рыман Аҧсны   жәлар рџьынџьтәылатә еибашьра ианалага раҧхьатәи  амш инаркны Владислав  Григори- иҧа  ивагылаз  Октаи Чкотуа,   Леонид Ӡаҧшьба,   Витали  Чамагәуа,   Ерқан Қәҭарба, иара  убасгьы Аҟәатәи аҧшьбатәи   абжьаратә школ  аҵаҩцәа,   ҳџьынџьуаа   ирхылҵыз. Иацтәи , иахьатәи,  уаҵәтәии  ҳиааирақәа зегьы  ихьӡ рыдҳәалоуп   Владислав  Арӡынба.

Владислав  Арӡынба  еснагь  хьаас иман атәым  ҳәынҭқаррақәа рҟны, еиҳаракгьы    Ҭырқәтәыла инхоз ҳџьынџьуаа  рыҧсадгьыл ахь  рырхынҳәра.  Аибашьра  аламҭалаз иара    Ҭырқәтәыла даҭааит.  Иҭахын  Кавказтәи аибашьра  аӡыблара  еиҟәнашаз    амилаҭ реидкылара. Убри азоуп   зқьи жәшәи ҧшьынҩажәи жәаха  шықәса  март азы  ҳџьынџьуаа  аҧсадгьыл  ахь рырхынҳәразы  ахеилак  заҧиҵаз. Уи иабзоураны   имаҷҩӡам  Аҧсныҟа ихынҳәхьоу,   иахьа   дара ирыхшаз   аҵара рҵоит   ашколқәа рҟны. Урҭ    аиҧылараҿы  ажәеинраалақәа ирыҧхьеит.  Ирҳәеит    ашәақәа.

“  Владислав  иацы, иахьа, уаҵәы» ҳәа хьӡыс изманы  еиҿкааз  аиҧылараҿы  Аҧсны Раҧхьатәи Ахада   изкыз ашәа иҳәеит ареспубликаҿы зҽаҧсазтәыз  артист Герман Ҳашыг.
Аиҧылара иалахәыз ирҳәон , Владислав  Арӡынба   Аҧсны Аҳәынҭқарра Ахьыҧшымра   азаагара  аус  аҟны   илшамҭа  дуқәа   ртәы.

Леонид Ӡаҧшьба  Аҧсны Раҧхьатәи  Ахада    дзыхьчоз дыруаӡәкын.Иара ибзиан  игәалашәоит   зқьи жәшәи ҧшьынҩажәи жәаҩа шықәса рзы   Москватәи  аиҧыларақәа шымҩаҧысуаз, уи иацыз    ауадаҩрақәа.  Иара  убасгьы иҳәеит,   Владислав  Григори- иҧа    иҧсҭазаара    изныкымкəа  ашәарҭа    ишҭадыргылахьаз. Ус  иҟан   Шәачатәи  аиҧыларақәа рҟнытә    вертолиотла   Аҧсныҟа ианаауаз. Аха  иара  еснагь   иааирҧшуан    агәаҕьра,   ахара    анаҧшра.

Владислав  Арӡынба дивагылан    Витали Чамагәуа.  Иара ибзианы игәалашәоит    аибашьра   алагара  амш   иацыз ахҭысқәа.Август жәиҧшь  рзы Владислав  Григори- иҧа    дҳәынҷын дыргарц  азы  агәыҧқәа  арахь ишаарышьҭхьаз. Иара ивагылаз зегьы   аиааира  агәра шырымгоз. Иара ихаҭагьы  рыгәра шимгоз    амчратә усбарҭақәа   русзуҩцәа  зегьы.

Асеиҧш иҟоу  аиҧыларақәа   ирыцҵахоит ҳаҧхьаҟагьы.   Урҭ   ирылахәхоит    Владилсав  Григори- иҧа   ивагылаз . Дара   иргәаладыршәоит аҧхьагылаҩ  ду   иҟазшьа, ицәаҩа, ифырхаҵара.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
44
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК