Аҟəатəи аџьармыкьа хадаҿы агəаҭарақəа.

17.05.2017
549

Аҧхынра аламҭалаз  ауааҧсыра рацәаны  изҭаауа аҭыҧқәа  рсанитартә ҭагылазаашьа   агәаҭара хымҧадатәуп. Аҟәа ақалақь аҿы акәзар,   ус еиҧш иҟоу аҭыҧқәа иреиуоуп  аџьармыкьа хада.      
Аҟәатәи аџьырмыкьа хада иаҭаауеит есҽны ауаарацәа . Урҭ рхыҧхьаӡара еиҳагьы иацлоит аҧхынразы, избан акәзар , аҧсшьаҩцәа бзиа ирбоит аџьырмыкьаҿы ахәаахәҭра. Избанзар,  араҟа ирҭиуеит зхаҭабзиара ҳараку аалыҵқәа. Аҧсны аҳәынҭқарратә ветеринартә маҵзура анапхгаҩы Роман Џьапуа иҳәеит , ас еиҧш иҟоу аҭыҧқәа лассы – лассы агәаҭарақәа ишырхыжьлатәу.
  
Араҟа,  аџьырмыкьа аҩбатәи аихагылаҿы,  аҳәынҭқарратә санитартә ҳақьым хадеи аветеринартә маҵзура аусзуҩцәеи игәарҭон ахәҳаахәҭра знапы алаку ауаа русушьа, асанитартә нормақәа ирықәнагоу - ирықәнамгоу.

Агәаҭарақәа иаадырҧшит акәац ахьырҭиуа аҭыҧ аҟны аилагарақәа шыҟам. Аха уеизгьы  изҭиуа ишәу аформа аума , мамзар  акәац зқәырыххуа ақыдқәа ррыцқьареи рхыҵәҵәареи ирызку еилагара маҷқәак аарҧшын. Аџьырмыкьа аусзуҩцәа рхаҭа ракәзар, ирҳәоит , ирылшо зегь шыҟарҵо ирҭиуа аалыҵ цқьаны , ахаҭабзиара ҳаракны аахәаҩ идыргаларц азын. Аха уи азыҳәан даргьы аҳәынҭқарра аганахь ала ацхыраара шырҭаху.  

Ахш лых ахьырҭиуа  аҭыҧ аҿы акәзар , араҟа ицәырҵит имаҷымкәан агәынамӡаракәа. Асанитартә маҵзура аганахь алагьы , аҭиҩцәа рганахь алагьы. Ахш лых зегьы архьшәашәагақәа ирҭазароуп. Аҭиҩцәа ракәзар, урҭгьы ирҳәаша рымоуп.

Аџьырмыкьа актәи аихагылаҿы акәзар,  аҭагылазаашьа еиҳа иуадаҩуп. Араҟа аҭиҩцәа амашьынақәа ахьныҟәо , мамазаргьы  ауаа ахьныҟәо амҩа  иантәаланы раалыҵқәа рҭиуеит. Ас еиҧш иҟоу аҭагылазаашьа даара уархәыцыртә иҟоуп. Имаҷым аҭиҩцәа заалыҵ адәы ицәыргыланы измоу ,уи ахаҭабзиара ианыҧшуеит , ҳәарада.  

Ажәакала ,  Аҟәатәи аџьырмыкьа хадаҿы аҭагылазаашьа даара иуадаҩуп. Даҽа ганкахьла уахәаҧшуазар, ауаа зышьҭоу ҧара хәыҷык ҳзырҳауазар ҳәа ауп. Гәыбҕанс  илуҭозеи атәанчаратә қәра иҭагылоу абырг луҭраҭых хәыҷқәа адәы ицәыргыланы иахьылҭиуа. Хымҧада , дарбанзаалак , азакуан дықәныҟәозар ауп , аха узызхәыцшагьы араҟа имаҷым, акырзҭиуа ҭыҧла  еиқәыршәатәуп. Уажәазы  иӡбан, аамҭак азыҧҵәаны  аџьырмыкьа ахадара араҟа ицәырҵыз агәынамӡарақәа рҭыҧ иқәрҵаразы.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК