Иҧсҭазаара далҵит Аҧсны Афырхаҵа, Аҧсны Аџьынџьтәылатә еибашьра аветеран, авиациатә гәыҧ акомандаҟаҵаҩ ихаҭыҧуаҩ, аполковник Нодар Гьерзмаа.

17.05.2017
583

Иҧсҭазаара далҵит Аҧсны  Афырхаҵа, Аҧсны Аџьынџьтәылатә  еибашьра аветеран, авиациатә гәыҧ  акомандаҟаҵаҩ  ихаҭыҧуаҩ,  аполковник  Нодар Гьерзмаа. Атәылахьчара аминистрраҿы арра-ҳаиртә  мчқәа рхаҭарнакцәа дыргәаладыршәеит рколлега-аветеран.  

Аҧсны  Афырхаҵа Нодар Гьерзмаа далгеит Ленинградтәи Иреиҳаӡоу аҧырратә  ҵараиурҭа, еиуеиҧшым аҳаирланқәа рҿы командаҟаҵаҩс дҧырхьан.  

Аџьынџьтәылатә  еибашьра  аамҭазы  Нодар Гьерзмааи  Виачеслав Ешбеи  ҳаирпланла изныкымкәа афронт ацәаҳәа иахысхьан арҭҟәацгақәа ркажьразы, иара убас абџьари аџьаҧҳаны нхыҵынтәи раагарази.  Атәылахьчара аминистрраҿы арра-ҳаиртә мчқәа ахадара рхаҭарнакцәа дыргәаладыршәеит рколлега-аветеран.  

Нодар Гьерзмаа аҧырраҿы, изныкымкәа, хамеигӡара ааирҧшхьан. Иара ишәаны изаны акәын зегьы шимаз, ҳәа иҳәоит Виачеслав Ешба.

Нодар Гьерзмаа еснагь аиаша дашьҭан, игәы ҧшқан, аха гәыҩбарак ҟамҵакәа, игәаанагара иаразнак иааҭырҟьаны иуеиҳәон, ҳәа азгәеиҭеит Аҧсны аҳаиртә мчқәа  ркомандаҟаҵаҩ Адгәыр Гәымба.
Аҧырҩы ҟаза иҩызцәа иазгәарҭеит, Нодар Гьерзмаа аҧырра ишьа ишалаз, иара дзықәтәалак, аҳаирплан мамзаргьы авертолиот зегьы акәама-ҵамақәа  идыруан.

Аҧсны Афырхаҵа, аҧырҩы ҟаза Нодар Рудольф-иҧа Гьерзмаа анышә дамардоит маи 19 рзы, дахьиз дахьааӡаз иқыҭа гәакьа Дәрыҧшь.

Саид Џьарсалиа, Алықьса Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ииун 2017
170
Амобилтә еимадара «Аҟәафон» ахаҭарнакцәа, зхы иақәиҭу аиқәҧараҿы зҽалызкааз ҧшьҩык аспортсменцәа есымза астипендиа рызшәара ахахьы иагеит
23 Ииун 2017
134
Аҧсуа бызшәа аиқәырхареи, арҿиареи хықәкыс иҟаҵаны, Аҧсны Ахада иқәҵарала Аҳәынҭқарратә усбарҭақәа русзуҩцәа абызшәа дырҵаразы акурсқәа еиҿкаан.
23 Ииун 2017
143
Иалацәажәеит ареспублика аҩныҵҟа акриминогентә ҭагылазаашьа азҵаара.
Загрузка плеера
Алаҳәарақәеи адныҳәаларақәеи
АГТРК
        Вставить Flash