Аҧснытәи аҳәынҭқарратә университет аҟны имҩаҧысит “астол гьежь”.

17.05.2017
340

Аҧснытәи аҳәынҭқарратә университет аҟны имҩаҧысит аҵарауааи , ауниверситет арҵаҩцәеи, апрофессорцәеи злахәыз “астол гьежь”. Уи азкын Аҧсны ихьыҧшым аҳәынҭқарра аҳасаб ала аҿиара. Аҧсны ихьыҧшым ҳәынҭқаррак аҳасаб ала аҿиара , иагу – иабзоу абара - абарҭ роуп тема хадақәас иқәгылаз Аҧснытәи аҳәынҭқарратә университет аполитологиеи асоциологиеи ркафедраҿы имҩаҧысыз “астол гьежь” аҟны. Аусмҩаҧгатә иалахәыз зегьы ргәаанагарақәа рҳәон иахьатәи Аҧсны аҭагылазаашьа иазкны, араҟа имҩаҧысуа аҳәынҭқарра ахада иалхра , жәлар реизарахь алхрақәа уҳәа еиуеиҧшым аҳәынҭқарратә процессқәа ртәы. Ирзааҭгылан убасгьы ҳҳәынҭқарра арҭ ахырхарҭақәа рҿы иамоу аҧышәеи, егьырҭ аҳәынҭқаррақәа рҧышәеи реиҿырҧшра уҳәа азҵаарақәа. Изахьӡузеи ихьыҧшым аҳәынҭқарра,ишҧаныҧшуеи уи аҳәынҭқарра шьақәзыргыло ауааҧсыра рҵарадырра аҩаӡара, иҟоума аполитикатә традициақәа, иарбан рольу урҭ инарыгӡо аҳәынҭқарра аргылараҿы? Абарҭи егьырҭ аинтерес зҵоу азҵаарақәеи шьҭыхын “астол гьежь” аҟны. Аҧсны хнызқь инареиҳаны азакуанқәа рыдыркылахьеит. Урҭ зегьы ишахәҭоу еиҧш ирықәныҟәома, мамзаргьы урҭ реилагара лҵшәас иаиуа уҳәа азҵаарақәа жәпакы ирылацәажәеит аполитологиеи асоциологиеи ркафедра аусзуҩцәа. Н.Ақаҩба, Т.Гогохьиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Август 2017
13
18 Август 2017
7
Мызкы иназынаҧшуа Тҟәарчал ақалақь Џьанҭоу аҳабла аҟны аҧшаарақәа мҩаҧыргоит Урыстәылеи Аҧсныи рархеологцәа.
18 Август 2017
4
Аиҧылараҿы ирылацәажәон ацәгьоурақәеи, ашәарҭадареи рызҵаарақәа.
17 Август 2017
235
Загрузка плеера
Алаҳәарақәеи адныҳәаларақәеи
АГТРК