Шәача ақалақь аҿы анапы аҵаҩын ҩ-ҳәынҭқаррак еицырзеиҧшу аҩныҵҟатәи аусқәа рминистррахь иаҵанакуа, аинформациа-координациатә центр аҧҵаразы Аиқәшаҳаҭра .

18.05.2017
559

Шәача ақалақь аҿы     анапы аҵаҩын      ҩ-ҳәынҭқаррак еицырзеиҧшу,  аҩныҵҟатәи аусқәа рминистррахь иаҵанакуа, аинформациа-координациатә центр аҧҵаразы Аиқәшаҳаҭра . Ари адокумент анапы аҵаҩра мҩаҧысит Аҧсныи Урыстәылеи ирыбжьоу «Аусеицзуреи астратегиатә еиҩызареи» рзы  аиқәшаҳаҭра аҳәаақәа ирҭагӡаны.

Аиқәшаҳаҭра анапаҵаҩра аламҭалаз ари ахҭыс ицәырнагеит  еиуеиҧшым асоциалтә ҳақәеи, ауаажәларратә еиҿкаарақәеи рҟны имаҷымкәа агәынамӡарақәа. Гәыҧҩык апарламент адепутатцәа ирҩит арзаҳал Аҧсны аҳәынҭқарра Ахада ихьӡала, ари адокумент анапаҵаҩра ахыгазарц, макьана аус адулатәуп ҳәа  иҧхьаӡаны.

Ацентр аҧҵахоит  Аҧсныи Урыстәылеи ацәгьоурақәа раҧырҟәҟәааразы имҩаҧырго аусура аҳәаақәаҵаразы,ироурц алшара аинформациа аиҭныҧсахларазы, иаҧҵахарц еицырзеиҧшу  асиақәа рбаза. Ари ацентр аҧҵара азҵаараҿы ауаажәлар рыҩныҵҟа агәаанагарақәа рҽеиҩыршеит. Ҳара ҳзыҿцәажәаз Аҧсны жәлар реизара адепутат Баҭал Тапаҕәуа иаҳзеиҭеиҳәеит ари адокумент акәша-мыкәша ицәырҵыз азҵаарақәа рзы игәаанагара.

Баҭал Тапаҕәуа иара убас иазгәеиҭеит , ари адокумент иахәаҧшуеижьҭеи ҩышықәса инареиҳаны ишҵуа. Анапаҵаҩра аҟынӡа инаӡаанӡа  ишахысыз иакымкәа-иҩбамкәа агәаҭарақәа, аҧхьарақәа. Апарламент уаанӡатәи ахәбатәи ааҧхьареи, аҩныҵҟатәи аусқәа рминистрреи рҿгьы. Иҳәеит ишаарҧштәу урҭ рыгәрагара. Аҧсны аҳәынҭқарра Ахада иусбарҭа аиҳабы ихаҭыҧуаҩ Гиви Габниа аҭагылазаашьа дахцәажәо иазгәеиҭеит, ари аиқәшаҳаҭра шаҧҵаз ҩ-ҳәынҭқаарак русеицзура  аҳәаақәа ирҭагӡаны ,ари аиқәҳшаҳаҭра ишану Аҧсны азы хра злоу азҵаарақәа рыӡбара. Еиҳарак аинформациа аизгара шакәу хықәкыс иамоу. Аиқәшаҳаҭра  аҵакы   ауаажәларра   ииашамкәа  ирызнагоуп,  -  азгәеиҭеит иара.
          
Иаҧҵахо  ацентр аштат аҟны иарбахоит ҩажәаҩык аусзуҩцәа. Жәаҩык Аҧсны аганахь ала ,жәаҩык Урыстәыла аганахь ала.  Аиҳабыра алырхуеит ҩ-ҳәынҭқаррак еилацәажәаны. Иазгәаҭатәуп,  ацентр аҟны аҩ-ҳәынҭқаррак ишырзаҧҵахо еицырзеиҧшу азинқәеи аҭагылазаашьақәеи.

Н.Ақаҩба, Ҭ.Гогохьиа, АТ  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК