Имҩаҧысит Аҧсны ахада иҟны иаҧҵоу аҳәынҭқарратә бызшәазы акомиссиа аилатәара.

18.05.2017
402

Имҩаҧысит  Аҧсны ахада иҟны иаҧҵоу  аҳәынҭқарратә бызшәазы  акомиссиа аилатәара. Аилатәараҿы ирылацәажәан ҿыц иаҧҵоу аҳәынҭқарратә бызшәатә политиказы аҳәынҭқарратә еилакы 2017 шықәсазы аус зыднаулараны иҟоу апроектқәа.

Акомиссиа аилатәара аартуа, Рауль Ҳаџьымба иазгәеҭеит еиҳа иаликааз, аиҧылараҿы излацәажәатәу , хра злоу азҵаарақәа рсиа. Уи иазгәеиҭеит зегь раҧхьа иргыланы,  приоритет ҳасабла,  аҳәынҭқарра  шашьҭоу аҧсуа бызшәа афункционалтә лшарақәа рырҭбаара.Уи азыҳәан еиҳарак аҭакҧхықәра зду аҳәынҭқарратә усбарҭақәа шракәу.

Аҳәынҭқарра ахада иаликаааит,  ааигәа еиҿкааз абызшәатә политиказы аҳәынҭқарратә хеилак   инанагӡо аус. Уи аус шрыднауло аҧсуа бызшәа арҿиаразы апроектқәа жәпакы. Аха аусура аиҕьтәразы ишадыҧхьалатәу аҧсуа интеллигенциа ахаҭарнакцәеи, арҵаҩцәеи,ишырҕәҕәатәу ахеилак ҿыци ,аҵара аминисттреи , егьырҭ аусбарҭақәеи ганрацәалатәи русеицура. Рауль Ҳаџьымба инаҵшьны иазгәеиҭеит,  аминистрцәа роума , ақалақь ахадара ахаҭарнакцәа роума, дарбанзаалак аҧсуа бызшәа идыруазар шихәҭоу. Иазгәаҭан ҿыц иаҧҵаз абызшәатә политиказы аилак аҿаҧхьа ишышьҭоу имаҷымкәан аусқәа. Урҭ рахь ишаҵанакуа аусеилыргара ҧсышәала алагаларазы аплан аиқәыршәара, арзаҳалқәа, аусҧҟақәа, ақәҵарақәа ,азакәанҧҵарақәа, ааҧхьарақәа, адипломатиатә лексика  уҳәа аҧсшәахь реиҭагара, рхархәара аус. Аҳәынҭқарратә бызшәатә политиказы аилак ахантәаҩы ихаҭыҧуаҩ Тамила Арышҧҳа дырзааҭгылеит аилак агәҭакқәа.

Атерминологиатә жәарқәа релектронтә версиа аҧҵара  аӡыргаразы Аҧсны аҳәынҭқарра азакәан ақәныҟәара хылҧшра аҭара уҳәа уб.иҵ. апроблемақәа  рыӡбаразы   азҵаара шьҭыхын аилатәараҿы. Еиҿкаазарц акурсқәа зыҧсшәа еиҕьызтәырц зҭаху ауаа рзыҳәан. Насгьы иҟаҵан ажәалагала , иаҧҵазарц акурсқәа рҿы аус зуа арҵаҩцәа еиуеиҧшым аҩаӡарақәа рыла иазыҟазҵо арҵаҩцәа аус рыдулара.
Еилатәаз зегьы еицҿакы иазгәарҭеит , аҧсуа бызшәа аҭагылазаашьа  шыуадаҩу, процентла иугозар ,атәалаҿы еиуеиҧшым аҳәынҭқарратә  аусбарҭақәа рҿы аурыс бызшәа ахарахәара ҧшьынҩажәа процент ишреиҳау.

Аилатәараҿы иӡырган аҧсуа бызшәа аҿиара аелектронтә версиа.Уаҟа иарбан  аҧсуа бызшәа иманшәаланы аелектронтә техникаҿы ахархәашьа. Аилатәара ахыркәшамҭаз аҳәынҭқарра ахада иҿы иаҧҵоу  абызшәатә  комиссиа иаднакылеит ҩажәи ҧшьба проект . Аҳәынҭқарра Ахада дақәшаҳаҭхеит ҧсышәала амзақәа рыхьӡқәа рышьақәырҕәҕәара, насгьы Аҳәынҭқарратә университети абызшәатә политиказы аилаки еицӡырыргаз , акодтә система  асимволқәа Иуникод ахь аиасра.
Н.Ақаҩба, Е.Дамиров, АТ
    

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ииун 2017
170
Амобилтә еимадара «Аҟәафон» ахаҭарнакцәа, зхы иақәиҭу аиқәҧараҿы зҽалызкааз ҧшьҩык аспортсменцәа есымза астипендиа рызшәара ахахьы иагеит
23 Ииун 2017
134
Аҧсуа бызшәа аиқәырхареи, арҿиареи хықәкыс иҟаҵаны, Аҧсны Ахада иқәҵарала Аҳәынҭқарратә усбарҭақәа русзуҩцәа абызшәа дырҵаразы акурсқәа еиҿкаан.
23 Ииун 2017
143
Иалацәажәеит ареспублика аҩныҵҟа акриминогентә ҭагылазаашьа азҵаара.
Загрузка плеера
Алаҳәарақәеи адныҳәаларақәеи
АГТРК
        Вставить Flash