Сынтәа актиор изанааҭала Аҧсны аҳәынҭқарратә университет иалгоит фҩык астудентцәа.

18.05.2017
635

Сынтәа актиор изанааҭала Аҧсны  аҳәынҭқарратә университет иалгоит фҩык астудентцәа. Дара асценатә бызшәа - амаҭәар ала аҳәынҭқарратә ҧышәара иахысит .
Актиортә ҟазара аҧшьбатәи акурс астудентцәа рзы иахьатәи   аҧышәара аҵыхәтәантәиуп. Ҧшьышықәса идырҳаз адыррақәа ааизакны, аҳәынҭқарратә ҧышәарала ихдыркәшоит.
Астуденцәа ргәы хыҭхыҭуа иазыҧшын аҧышәара алагара. Аҧсны жәлар рартист Софа Агәмааҧҳа агәыҕра аалырҧшит урҭ зегьы  қәҿиарала ишықәгыло азы.

Актиортә ҟазара астудентцәа рықәгылара иахәаҧшырц иааит ихатәроу актиорцәа аӡәырҩы – Шьалуа Гыцба, Сырбеи Сангәлиа, Роман Сабуа, Ирина Коҕониаҧҳа, иара убас ашәҟәыҩҩцәа Анзор Мықәба, Џьума Аҳәба, Аҧснытәи  аҳәынҭқарратә университет арҵаҩцәа, астудентцәа.

Аҧышәараҿы астудентцәа   дара иалырхыз ажәеинраалақәа, ажәабжьқәа, амонологқәа ҿырҳәала ирыҧхьон.

Рықәгылара иалагеит Фазиль Искандер иажәабжь  «Арбаҕь» ала.

Аҧышәараҿы астудентцәа  Шьоҭа Ҷкадуа, Кьыршьал Чачхалиа, Ҷычыкәа Џьонуа, Баграт Шьынқәба уҳәа ашәҟәыҩҩцәа рырҿиамҭақәа ирыҧхьеит.

Иазгәаҭатәуп, сынтәа актиортә ҟазара иалго фҩык астудентцәа Аҿартә театр аҟны аус шыруа. Убри аҟнытә, ахәаҧшцәа рҿаҧхьа асценаҿ ақәгылара, дара рзы иҿыцым.

Аҧышәара иалахәыз анаҧшцәа еицҿакны иазгәарҭеит, астудентцәа рықәгыларақәа  зегьы  шыбзиаз. Имариам актиор изанааҭ аҿы ирзеиҕьаршьеит аманшәалареи ақәҿиара дуқәеи.
  
Астудентцәагьы иҭабуп ҳәа рарҳәеит ҧшьышықәса аус рыдызулоз, ирзааҧсаз рырҵаҩцәа
Актиортә ҟазара арҵаҩцәа агәыҕра аадырҧшуеит, урҭ раушьҭымҭацәа имариам актиор изанааҭ рнапахьы аагара рылшап ҳәа.  

    


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
13 Декабр 2017
60
Аҭыжьымҭаҿы:Ицәыргоуп 180 рҟынӡа усумҭа. Аҟəа иаатит Александр Чачба иаҧҵамҭақәа рцәыргақәҵа.
13 Декабр 2017
45
Уажәазы Аҧсаӡ хада азы иаахәаз арҧшӡагақәа кнарҳауеит.
13 Декабр 2017
31
Амобилтә еимадара иаҧнаҵаз акомиссиа есышықәса астудентцәа рыбжьара иреиҕьу алнахуеит. .
13 Декабр 2017
63
Аҧсны аҧыза-министр Беслан Барцыц Аҟәеи , Афон Ҿыци, Гәдоуҭеи рықалақьқәа рхадацәа амашьынақәа риҭеит .
12 Декабр 2017
75
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
Загрузка плеера
Алаҳәарақәеи адныҳәаларақәеи
АГТРК