Аҳәынҭқарратә жәлар рыкәашаратә ансамбль «Кавказ» ҩаҧхьа аконцерттә программа рыманы амҩа иқәлоит.

18.05.2017
539

Кандид Ҭарба ихьӡ зху Аҳәынҭқарратә жәлар рыкәашаратә  ансамбль «Кавказ» ҩаҧхьа аконцерттә программа рыманы  амҩа иқәлоит.  Иарбан тәылоу изҭаауа, насгьы агастрольқәа ишырзыҟаҵоу атәы еилыркаауан ҳкорреспондентцәа.

Аҧснытәи  аҳәынҭқарратә жәлар рыкәашаратә ансамбль «Кавказ» мышқәак рышьҭахь аҳәаанырцәҟа амҩа иқәлоит. Хаҭала изҭаауа Донецктәи Лугансктәи жәлар рреспубликақәа роуп. Ансамбль «Кавказ» изныкымкәа еиуеиҧшым атәылақәа ирҭаахьеит. Донецки Лугански рахь акәзар, арҭ ареспубликақәа рҟынтәи  ааҧхьара роуит.

Ансамбль «Кавказ» акәашаратә программала ирҭаауеит арҭ аҩ-республикак рықалақьқәа. Иагьалагоит Донецкынтәи. Иааизакны, жәаҩа концерт ддырбараны иҟоуп.

Ансамбль аҟынтәи, раҧхьаӡа акәны, асцена ду аҿы иқәгыло рхыҧхьаӡара хә-ҩы ф-ҩык рҿынӡа инаӡоит. Урҭ арҧарцәеи аҭыҧҳацәеи акәашарахь ирымоу агәыбылра иаздырҳарц азы ауп  ааигәа ари ансамбль ахь ршьаҿақәа зеихыргаз. Урҭ дреиуоуп хымз ари ансамбль аҟны икәашо Диана Гәымҧҳа.
Амузыка атемп ақәшәара, ианаамҭоу агьежьра, ацәаҳәа ииашан акра – абарҭ роуп ихадоу  акәашарҟны. Ансамбль асахьаркыратә наҧхгаҩы  ирабжьиго хшыҩзышьҭра арҭоит. Дара акәашацәа рхаҭа ирҳәоит, асцена уанықәла нахыс,  ушәара ушьҭахьҟа иаанужьроуп ҳәа.

Ансамбль «Кавказ» Донецктәи Лугансктәи жәлар рреспубликақәа рахь амҩа иқәлоит амза жәаҩа рзы. Уажәазы ргәы ацҧыҳәаны аҽазыҟаҵарақәа рымҩаҧгара иаҿуп.

Наала Чхьынџьериаҧҳа, Ельдар Дамиров, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Декабр 2017
34
Аҭыжьымҭаҿы:Иааиуа ашықәсазтәи  аҳәынҭқарратә биуџьет апроект актәи аҧхьарала ирыдыркылеит Жәлар Реизара адепутатцәа
12 Декабр 2017
19
Уаҟа тема хаданы иқәгылан ахьҭақәа ҟалеижьҭеи ҳтәылаҿы абылрақәа акыр реиҳахара атәы.
12 Декабр 2017
14
Иара зҭагылоу абаа ахьажәыз иахҟьаны , асааҭ аусура аанкылоуп .
12 Декабр 2017
14
Аҳәынқарра Ахада Аҧсны иааны иҟоу асахьҭыхыҩ иҭынхацәа идикылеит.
12 Декабр 2017
20
Уи аҟны адепутатцәа актәи аҧхьарала ирыдыркылеит 2018 шықәсазтәи ареспубликатә биуџьет азы азакуан.
11 Декабр 2017
61
Аҭыжьымҭаҿы:Адепутатцәеи аиҳабыреи аҳәынҭқарратә биуџьет иалацәажәеит.
Загрузка плеера
Алаҳәарақәеи адныҳәаларақәеи
АГТРК