224- ҩык аҵаҩцәа ашколтә ҧсҭазаара аҟынтәи аҧсҭазаа ду ахь ршьаҿа еихыргеит Очамчыра араион аҟны.

26.05.2017
819

224- ҩык аҵаҩцәа   ашколтә  ҧсҭазаара   аҟынтәи аҧсҭазаа  ду   ахь ршьаҿа    еихыргеит  Очамчыра  араион  аҟны.  Урҭ     рхыҧхьаӡараҿы  дыҟоуп  хьтәы  медалла   зҵара   хзыркәшазгьы.   Иазгәаҭатәуп,   иаҳхысыз  аҵарашықәс  иалагӡаны  Очамчыратәи   ашколхәыҷқәа    аӡәырҩы   қәҿиарала рхы   шрыладырхәыз  еиуеиҧшым  ареспубликатә  маҭәартә   олимпиадақәа.

Баграт Шьынқәба  ихьӡ зху  Ҷлоутәи   абжьаратә школ сынтәа  иалгеит  12- ҩык аҵаҩцәа. Ашкол   адиректор  Марина   Џьопуаҧҳа    лықәгылараҿы   иазгәалҭеит,  напхгара    ззылуа аҵараиурҭа   атрадициа  бзиақәа  шамоу. Еиуеиҧшым  аамҭақәа рзы   ари  ашкол  иалгахьаз  акыр  аҭакзыҧхықәу  амаҵурақәа шааныркылахьаз ареспубликаҿы.  Аушьҭымҭацәа  дрыдныҳәало ирзеиҕьалшьеит ақәҿиарақәеи  аманшәаларақәеи.

Аҵыхәтәантәи  аҵәҵәабжьы  Ҷлоутәи   абжьаратә  школ    аҿы  имҩаҧысит ныҳәак  аҳасаб  ала.  Аушьҭымҭацәа   рықәгыларақәа   ирныҧшуан жәеиза шықәса    анреи абреи рызуа  аҵара   дзырҵоз   арҵаҩцәа  рахь  ирымоу   агәыбылра.

Ҷлоутәи   абжьаратә  школ  аушьҭымҭацәа   рхыҧхьаӡараҿы   иҟоуп   иреиҳау   аҵараиурҭақәа  ирҭалахьоу. Убас   Алмас   Шьалашьаа  Урыстәылатәи иреиҳау аҵараиурҭақәа руак  аҟны  жәларбжьаратәи  аизыҟазаашьақәа    рфакультет  дҭалахьеит.

Аҵыхәтәантәи  аҵәҵәабжьы  аҳаҭыр азы  араҟа   имҩаҧган  аныҳәатә  концерт. Еизаз рҟазара  ддырбон  аҭыҧантәи  ахаҧшьгаратә    коллективқәа.

А. Корсаиа, А. Маланиа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
36
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
44
Иара Аҧсны амилаҭтә олимпиатә еилакы аҿы  адныҳәаларақәа идикылон
39
Убри инамаданы имҩаҧган афонд ахаҭарнакцәа злахәыз апресс-конференциа.
55
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК