120—тəи аушьҭымҭацәа ракәхеит иахьа Таиф Аџьба ихьӡ зху Аҷандаратәи абжьаратә школ иалгаз.

26.05.2017
847

120—тəи аушьҭымҭацәа ракәхеит иахьа   Таиф Аџьба ихьӡ зху Аҷандаратәи абжьаратә школ иалгаз. Аҭоурых шьаҭа бзиа змоу ашкол аҟны  иахьагьы абаҩхатәра злоу аҿар еиҵарааӡоит.

Гәыранда Царгәышҧҳа асахьаҭыхра бзианы илыцааиуеит. Аҵаҩцәа рыбжьара  Баграт Шьынқәба ииубилеитә ныҳәа ахьӡала имҩаҧгаз асахьаҭыхратә еицлабра аҟны аиааира лгеит. Еиҳарак ҳгәы зладуу ахәыҷқәа ҟазарак злам шамахамзар дыҟам,- иҳәоит Аҷандаратәи абжьаратә школ адиректор Валери Аҩӡба. Ашәаҳәара акәашара, аҽыбҕаҟазара, анапылампыл уҳәа рыҟны Аҷандараа еснагь аҧхьагылара рымоуп.

Иҵабыргыҵәҟьаны акырынтә Аҷандаратәи анапылампылтә команда Аҧсны иачемпионхахьеит. Аҭыҧҳацәа рыкәашаратә ансамбль Урыстәылатәи аҟазаратә еицлабрақәа рыҟны хынтә гран-при иаҧсахахьеит. Иара убас ашкол аҵаҩцәагьы злахәу Аҷандаратәи аҽыбҕаҟазаратә команда сынтәа хынтәны Гәдоуҭа араион иачемпионхеит. Ақыҭа ахада Мурадин Аџьба инаҵшьны иазгәеиҭеит, аихьӡарақәа традициала иаагоу ааӡароуп ҳәа.

Абар, аҵыхәтәантәи аҵәҵәабжьы, уи иҿыцу абиҧара ашкол ахь рааҧхьара асимволра шазнауа еиҧш, зҵара хзыркәшаз амҩа лаша рықәҵарагьы иадҳәалоуп. Сынтәа Аҷандаратәи ашкол иалгеит ааҩык аҵаҩцәа, рхыҧхьаӡара еиҳандаз ҳәа угәы иаанагоит, аха аҵыхәтәантәи аамҭаз, реизҳара убарҭоуп. Иалгаз раасҭа иҭало еиҳауп.  

Сынтәатәи аушьҭымҭацәа рнапхгаҩы Славик Гәынба аҭаацәа иҭабуп ҳәа реиҳәеит акыр шықәса русеицура азы
Аҭаацәа рыхәҭаахьалагьы ирҳәеит, аҵаҩцәа адырра рыҭара мацара акәымкәа ашкол аҟны еиҿкаау алитературатәи, аспорттәи, ааӡаратәи аҟәшақәа ахәыҷқәа радыҧхьалара алҵшәа бзиақәа шаанарҧшуа
Ашәҟәыҩҩцәеи, ауаажәларратә-политикатә усзуҩцәеи, Жәлар рартистцәеи  Денис Царгәыш иеиҧш иҟоу аспортсменцәеи еиҵазааӡаз Аҷандаратәи абжьаратә школ шәи ҩажәа шықәса ахыҵра азгәаҭахоит ҳазну ашықәс жьҭаарамзазы.  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
5
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
21
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
13
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК