Амҩа хада Ҧсоу-Егры иамариашаны амашьынақәа рныҟәара гәазҭало авидео-фиксаторқәа ҳәа изышьҭоу ахархәагақәа рыргылара аус иацҵоуп.

26.05.2017
772

Амҩа хада   Ҧсоу-Егры иамариашаны амашьынақәа рныҟәара гәазҭало  авидео-фиксаторқәа ҳәа изышьҭоу ахархәагақәа рыргылара аус иацҵоуп. Уи алыршахеит Аҧсны аҩныҵҟатәи аусқәа рминистрреи,  Урыстәылатәи  афирма «Трансбезопасности» русеицура иабзоураны. Бзыҧтәи агәаҭарҭатә ҭыҧ аҟны иаартын аҩбатәи агәаҭаратә центр. Уи даҭааит Аҧсны аҩныҵҟатәи аусқәа рминистр Аслан Кобахьиа.

Амҩатә ҧҟарреилагарақәа ргәаҭаратә центр «Арена» Аҧсны амҩатә шәарҭадара арҕәҕәаразы  иалагалоижьҭеи мызкоуп иҵуа. Ари асистема даараӡа иманшәалоуп. Ҭыҧк аҟынтәи даҽа ҭыҧк ахь ииаугар алшоит. Авидео-камера хықәкы хадас иамоуп  амҩатә ҧҟарра еилазгаз автомашьына иаразнак ала агәаҭара, аинформациа иара убраҵәҟьа азеиҧш базахь ашьҭра.

Азеиҧш базаҟны адиспетчер аҳәынҭавтоинспекциа аусзуҩцәа адҵа риҭоит авидеокамераҟны  иарбаз амашьынарныҟәцаҩ иаанкыларазы, анаҩс ахараҧса иршәаразы. Ахараҧса ашәара асистема акәзар, уигьы маншәалоуп. Ааигәа игылоуп «Сбербанк» атерминал. Аҧҟара еилазгаз жәамш ирылагӡаны ахараҧса имшәар,амашьынарныҟәцараз аршаҳаҭга имххоит. «ТРАНСБЕЗОПАСНОСТЬ» адиректор хада иажәақәа рыла,авидео-фиксаторқәа Аҧсны ахьынӡа-наӡааӡо рыргылара аус нап аркуп.  
                  
Аҧсны аҩныҵҟатәи аусқәа рминистр Аслан Кобахьиа иажәақәа рыла, ас еиҧш иҟоу авидео-система алагалара амҩатә машәырқәа раҧырҟәҟәаара аус аҟны ицхыраагӡа дууп. Ари аус хацыркижьҭеи  мызкоуп иҵуа, аха уажәнатә иҟаҵоу маҷым. Аминистр иҳәеит, ас еиҧш иҟоу атехника шыргылахо Аҧсны егьырҭ аҭыҧқәа рҟынгьы.

Жәаҳәарада, ас еиҧш иҟоу ҳаамҭа иақәнаго атехника цхыраагӡа дууп амҩаҿы аҭагылазаашьа аҭышәныртәаларазы, аха зегь раҧхьа иргыланы амашьынарныҟәцаҩ ихаҭа игәы иҽанызароуп.Амҩатә ҧҟаррақәа зегь рықәныҟәозароуп. Убасҟаноуп амашәырқәагьы анмаҷхо.

Н.Ақаҩба, А.Гәажәба, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
92
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
161
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК