Фышықәса ҵит иҧсҭазаара далҵиижьҭеи Аҧсны аҳәынҭқарра аҩбатәи ахадаСергеи Багаҧшь.

29.05.2017
526

Фышықәса ҵит иҧсҭазаара далҵиижьҭеи Аҧсны аҳәынҭқарра аҩбатәи ахада Сергеи Багаҧшь. Сергеи Уасил- иҧа Аҧсны ахадас далхын 2005 шықәсазы. Ҩнызқьи жәба шықәсазы аҩынтә раан атәыла ахадас деиҭалхын. Сергеи Багаҧшь анышә дахьамадоу Џьгьарда ақыҭан ашәҭқәа шьҭарҵеит аҧыза- министр Беслан Барцыц, Аҧсны иҟоу Урыстәыла ацҳаражәҳәаҩ Семион Григориев, аиҳабыра рхаҭарнакцәа, аибашьра аветеранцәа, ауаажәларра. 

«Ауаҩреи ақьиареи рыгәра згоит,» абас лассы- лассы иҳәалон Аҧсны аҩбатәи ахада Сергеи Уасил- иҧа Багаҧшь, уи агәрагара ицын иҧсҭазаара зегьы. Сергеи Багаҧшь иҧсы алан иахьизҳаз иқыҭа гәакьа Џьгьарда, иҧсҭазаара даналҵгьы инышәнап ахьыҟалаз араҟоуп. Шьыжьнаҵы Сергеи Багаҧшь иҳаҭгәын аҟны ашәҭқәа шьҭарҵеит аиҳабыра рхаҭарнакцәа реиҧш, иара дыздыруаз зегьы. Аҧсны аҩбатәи ахада иҧсҭазаара далҵит маи ҩажәи жәба , ҩнызқьи жәба шықәса рзы, хынҩажәи хҧа шықәса дшырҭагылаз.

Сергеи Уасил- иҧа диит март ҧшьба , зқьи жәшәи ҩынҩажәи жәба шықәсазы, Аҟәа. Ашколи иреиҳау аҵараиурҭеи данрылга, иҧсҭазаара зегьы азикит ауаажәларратәи аполитикатәи ус. Сергеи Багаҧшь аҳәынҭқарра напхгара анаиҭоз атәыла адәныҟатәи аполитикатә ҭагылазаашьа акыр иҭышәынтәаламызт. Сергеи Уасил- иҧа ихшыҩи иполитикатә хәыцреи ирыбзоураны, атәыла напхгара анаиҭоз, ҩ- нызқьи ааба шықәсазы ҳмилаҭ шәышықәсала иззықәҧоз аҳәынҭқарра ахьыҧшымра азхаҵара аиуит Урыстәылатәи Афедерациа аганахь ала. Ари агәырҕьаратә хҭыс наунагӡа Сергеи Уасил- иҧа Багаҧшь ихьӡ иадҳәаланы иаанхоит. 

Амилаҭ рыҧсҭазаара зыҧсҭазаараз, жәлар рхьаа зхьааз, ҳҳәынҭқарра жәларбжьаратәи азхаҵара асимвол Сергеи Уасил-иҧа иҧсҭазаара иалҵра ажәлар зегьы рзы харҭәаашьа змам цәыӡуп. Џьгьардаа ирҳәоит Сергеи Уасил- иҧа иҩыза ауаҩы лаша иҧшаара шыуадаҩу. Иара дара рзы ешьак, ҭынхак диҩызан. Ауаҩ гәыраз, ауаҩ гәыҭбаа Сергеи Уасил- иҧа Багаҧшь дыздыруаз зегьы ргәалашәараҿы наунагӡа даанхоит .

А. Корсаиа, А. Маланиа,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
21
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
23
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
31
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
79
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК