«Сергеи Уасил-иҧа Багаҧшь аҟәыҕареи аҧсҭазаареи рахь амҩа лаша»-

29.05.2017
420

Сергеи Багаҧшь иҧсҭазаара ҭәын акрызҵазкуаз ахҭысқәа рыла. Урҭ зегь аарҧшхоит, иаарласны адунеи збараны иҟоу Сергеи Уасил-иҧа ихаҿра, иуаҩра, ицқьара аазырҧшуа, иара изку ашәҟәы аҟны. «Сергеи Уасил-иҧа Багаҧшь аҟәыҕареи аҧсҭазаареи рахь амҩа лаша»- абас ахьӡуп хымз рышьҭахь иҭыҵраны иҟоу, афилологиатә ҭҵаарадыррақәа рдоктор, апрофессор, ажурналист Екатерина Бебиаҧҳа авторс дызмоу ашәҟәы.

Сергеи Уасил-иҧа Аҧсны данахагылаз аамҭазы, лара изныкымкәа акы- ҩба ашәҟәқәеи ателеочеркқәеи изылкхьан. Иҧсҭазаара даналҵ ашьҭахь, иҭаацәеи, иҩызцәеи иҟарҵаз аҳәарала ашәҟәы аҩра нап аларкуеит. Ашәҟәы авторс лара дшамоугьы, аматериал аизгаразы илыцхраауаз рацәаҩын. Ашәҟәы ҧшьынеижәи жәаба процент урыс бызшәала ишьақәгылоуп. Аха алагалажәеи аҵыхәтәажәеи ҧсышәала иҩуп. Ашәҟәы аиқәыршәараан, аурыс бызшәа иаҳа аҧыжәара засҭоз, ацәаҳәақәа зегьы рҟынӡа инаӡарц сҭахын,- лҳәоит, автор. Иара ус иагьыҟалап ҳәа агәыҕра лымоуп. 

Ашәҟы шьақәгылоуп еиҳарак агәалашәарақәеи, аиҿцәажәарақәеи рыла, иара убасгьы ауаатәыҩса Сергеи Уасил-иҧа иахь ирымаз абзиабара атәы аазырҧшуа аинтернеттә қәгыларақәа рылагьы. Автор лҟынтәи хаҭала иҭбаау иара изку аилкаанҵақәа алагалоуп, ажәакала иҧсҭазаартә мҩа аазырҧшуа ахҭысқәеи афотоҭыхымҭақәа рыла еиқәыршәоуп. Афотосахьақәа ртәы ҳҳәозар, иаҳцәыуадаҩыз рыҧшаара акәӡамызт, ралҧшаара акәын, убри аҟынӡа урҭ рацәаны иҳаман, азгәалҭеит автор. Уи лажәақәа рыла, лара лзы инасыҧхоит, Аҧсны ахада ҳаҭыр иқәызҵоз, ҳажәлар рнапы аҟынӡа ашәҟәы неины иҟалозар. Уи амш сара сзыҳәан зегь иреиҳау мшхоит, ҳәа азгәалҭеит автор. 

 «Сергеи Уасил-иҧа Багаҧшь» изку агәаларшәаратә шәҟəы иахьатәи аамҭазы аҭыжьратә процесс аҟынӡа инагоуп, автор аҩра далгеижьҭеи шықәсык аҟара ҵуеит. Хышәи ҩынеижәи жәаба даҟьа рыла ишьақәгылоу ашәҟәы атираж х-нызқь рҿынӡа азҧхьагәаҭоуп. Зхаҭабзиара ҳараку ақьаад ала ашәҟәы ҭыжьхоит Санкт –Петербург. Анаҩс аӡыргара мҩаҧгахоит ҳтәыла аҿы еиҧш, Нхыҵ-Кавказгьы.

 Наала Чхьынџьериаҧҳа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
38
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК