Аҧсуа бызшəа иазкны аҳəынҭқарра Ахада иҟны имҩаҧган аилацəажəара.

30.05.2017
716

Аҧсны аҳәынҭқарра Ахада Рауль Ҳаџьымба имҩаҧигеит аминистрцәеи, ақалақьқәеи араионқәа рхадацәеи ,Аҳәынҭқарратә бызшәатә политиказы Аҧсны Аҳәынҭқарратә еилакы ахаҭарнакцәеи злахәыз аилатәара.

Атәыла Ахада абызшәазы аҳәынҭқарратә еилакы аҿаҧхьа дҵаны иқәиргылеит, аҳәынҭқарратә усбарҭақәа русзуҩцәа аҧсуа бызшәа дырҵаразы акурсқәа реиҿкаара. Уи аус аҟны араионқәеи ақалақьқәеи рхадацәеи , аминистррақәеи ацхыраара рырҭарц. Рауль Ҳаџьымба ҳазҭоу амза ҩба рзы Аҧсны араионқәеи ақалақьқәеи рхадацәеи, аминистрцәеи рҿаҧхьа адҵа иқәиргылеит Абызшәатә политиказы аҳәынҭқарратә еилакы имҩаҧгнаго аус иадгыларц.

Аҳәынҭқарратә усбарҭақәа русзуҩцәа аҧсуа бызшәа дырҵаразы акурсқәа реиҿкаара аус аҿы аилак аусзуҩцәа ирыцхраарц, раионцыҧхьаӡа акурсқәа рымҩаҧгара ахьалшахо аҭыҧқәа рыла реиқәыршәара, насгьы арҵаҩцәа ауалафахәы араионтә биуџьет аҟынтәи рызшәара. Рауль Ҳаџьымба абызшәазы аҳәынҭқарратә еилакы аҿаҧхьа дҵаны иқәиргылеит, аҳәынҭқарратә усбарҭақәа русзуҩцәа аҧсуа бызшәа дырҵаразы акурсқәа реиҿкаара. Ақалақьқәеи араионқәеи русбарҭақәа рхадацәеи Аҳәынҭқарратә бызшәазы аилаки русеицура, насгьы Аҧсны аҵареи аҭҵаарадырреи рминистрра, аҧсшәа аҵаразы акурсқәа раҧҵарааан , иахәҭоу аиҿкаара-методикатә цхыраагӡала еиқәдыршәарц.

Рауль Ҳаџьымба иазгәеиҭеит, алыҵшәа бзиа аиуразы, абызшәатә политиказы аилак аусура мацара шазымхо . Рауль Ҳаџьымба инаҵшьны иазгәеиҭеит,аҧсуа бызшәа аҳәынҭқарратә бызшәа астатус шырҕәҕәатәу. Дарбанзаалак ачынуаҩ иусура нап аиркырц азыҳәан аҧсуа бызшәа идырырц шихәҭоу. Уажәтәи аамҭазы аҳәынҭқарра ахықәкқәа руак иреиуоуп– аҵаратә системеи ,еиуеиҧшым аҳәынҭқарратә наплакқәа русуреи, Аҧсны аиҳабыреи жәлар реизареи реилатәарақәа - абарҭ зегьы аҧсшәахь аиагара ауп. Аҧсны аҧыза- министр Беслан Барцыц иҳәеит ,ари ашықәс нҵәаанӡа аминситрра реилазаара аусура зегьы аҧсшәахь ишиагахо. Уи азы иаҭаху амыругақәа зегь шаахәоу.

 Аиҧылараҿы еизаз араионқәа рхадацәа иазгәарҭон ,досу дызхагылоу араион аҟны аҧсуа бызшәа аҩаӡара ашьҭыхразы инарыгӡахьоу аусқәа ртәы. Зегьы еицҿакны иазгәарҭон ,ашколқәеи ахәыҷбаҳчақәеи рҿы иҵегь шьаҭанкыла аус ишазнеитәу.Аҧсшәа зҳәои изымҳәои ахәыҷқәа хазы-хазы агәыҧқәа рахь ишеихшалатәу. Аҟәа ақалақь ахада Адгәыр Ҳаразиа дазааҭгылеит, ари ахырхырҭаҿы ақалақь ахадара имҩаҧнаго аусура атәы. Аиҧылара иалахәыз зегь еицҿакны иазгәарҭеит, Аҧсуа телехәаҧшра аҧсуа бызшәа аӡыргареи аҿиареи аус аҟны алҵшәа бзиақәа шаанарҧшуа. Ишцәырҵыз аҧсышәала ицәажәо аддыраҭарақәа, аналитикатә ҟазшьа змоу адырраҭарақәа ракәзар урҭгьы аҧсшәахь ишиагаз. Аҧсуа бызшәа аҿиара афонд акыр аџьабаа адызбалахьоу, уажәы Аҳәынҭқарратә телерадиоеилахәыра иахагылоу Ҭали Џьапуаҧҳа иазгәалҭеит, абызшәа еиҳа ахархәара аиурц азы ,асистематә знеишьа шаҭаху. Хымҧада , абызшәа аҵареи арҵареи аус даараӡа имариам. Иуҧылоит еиуеиҧшым ауадаҩрақәа.

Аҳәынҭқарра аҽазнашәоит арҭ ауадаҩрақәа раҧыхра, аха аус злоу ауаа рхаҭақәа роуп. Дарбанзаалак дацәыҧхамшьозароуп ибжьы ҭыганы, ибызшәала ацәажәара. Баша ирҳәом , збызшәала изымцәажәо ауаҩы ашәа ззымҳәо аҟармаҵыс даҩызоуп ҳәа.

 Н.Ақаҩба, А.Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК