Аимадара А-Мобаил аҳҭнықалақь аҿы аскульптура «Аҟәа» аргыларазы ауааҧсыра ирыланаҳәаз аконкурс хыркәшоуп.

31.05.2017
462

Амобилтә еимадара А-Мобаил аҳҭнықалақь аҿы аскульптура «Аҟәа» аргыларазы ауааҧсыра ирыланаҳәаз аконкурс хыркәшоуп. Аинтернет ахархәагақәа рҿы имҩаҧгаз абжьыҭира иабзоураны иалкаахеит , х-скульптурак равторцәа .

Уажәшьҭа аминистрцәа реилазаараҿы иаҧҵоу амонументалтә комиссиа алахәылацәа усумҭак алырхроуп. Абри атәы иазааҭгылан Амобилтә еилахәыра А-Мобаил- ахаҭарнакцәа имҩаҧыргаз апресс-конференциаҿы. Амобилтә еимадара А-Мобаил иаҧшьнагаз аконкурс алахәхаразы аесскизқәа аларҵеит хынҩажәаҩык иреиҳаны ауааҧсыра. Дара зегьы аскульптура «Аҟәа» еиуеиҧшымкəа иазнеит. Иахьазы иалкаауп х-ҩык авторцәа русумҭақәа . 

Актәи аҭыҧ ааннакылеит архитектор қәыҧш Наала Ламиаҧҳа лусумҭа, Аҩбатәи - Аелита Амҷҧҳа, ахҧатәи аҭыҧ аҿы иҟоуп Ҭемыр Зыхәбеи, Кнарик Гочиани ецырзеиҧшу аусумҭа. Апресс- конференциаҿы Амобилтә еимадара А-Мобаил амаркетинг азы адепартамент аиҳабы Марҭа Ҭыжәба илҳәеит, ари апроект ақалақь ауааҧсыра рыбжьара азҿлымҳара дуу шцәырнагаз. Урҭ ргәаанагарақәагьы рыҽшеиҩыршаз. «Ҳара ҳхықәкы наҳагӡеит, иалхуп асульптурақәа, уажәшьҭа иаанхаз иреиҕьу алкаара ауп лҳәеит лара . Арҭ ах - усумҭак рескизқәа нашьҭхоит Аминистрцәа реилазаараҿы иаҧҵоу амонументалтә комиссиахь. Дара еиҳа аҧыжәара зырҭо ауп Аҟәа ақалақь аҟны иазалху аҭыҧ аҿы иргылахо . 

Апресс-конференциа иалахәыз Аҟәа ақалақь ахада ихаҭыҧуаҩ Леон Кәарҷиа иазгәеиҭеит , даара шгәахәара дуу ,ас еиҧш иҟоу апроектқәа адгылара ахьроуа. Уи ҳаҭны-қалақь иаҭаауа асасцәа хнамхыр залшом иҳәеит иара. Ҭемыр Зыхәба иусумҭа ахҧатәи аҭыҧ аанакылеит, иара иҳәоит архитектура дшацәыхароу , аха ас еиҧш аконкурс анрыларҳәа, иқалақь арҧҵшӡараҿы илагала ҟаиҵап ҳәа ихы шалаирхәыз. Апесс-конференциаҿы иҳәан, иара убас Аҧсны егьырҭ ақалақьқәа рыхьыӡқәа арбаны асукльптурақәа рыргыларазы ажәалагала ҟалар А-Мобаил адгылара шыҟанаҵо.

Иҳәатәуп иара убас , бжьыҭарала иалкаахаз амакетқәа хҧа рыцыҧхьаӡа ишырзырхиахо архитектуратә проектқәа. Уи иацу ахарџь зегьы Амобилтә еимадара А-Мобаил ахахьы ишаго.

 Фатима гьергьиа , Ҭимур Гогохьиа, АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
8
16 Ианвар 2018
8
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
11
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
12
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
47
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК