Аҧснынтәи ашәаҳәаҩ қәыҧш Валериа Адлеиҧҳа, ааҧхьара лырҭеит Ҟрым имҩаҧысуа ахәыҷтәы ашәаҳәаратә еицлабра «Новая волна» лҽалалырхәырц.

31.05.2017
640

Урыстәыла имҩаҧысуаз жәларбжьаратәи ахәыҷтәы еицлабра «Ты Супер» аҟны аиааира згаз, Аҧснынтәи ашәаҳәаҩ қәыҧш Валериа Адлеиҧҳа, ааҧхьара лырҭеит   Ҟрым имҩаҧысуа ахәыҷтәы ашәаҳәаратә  еицлабра «Новая волна» лҽалалырхәырц. Уажәы лара уи аҽазыҟаҵара даҿуп.

Урыстәыла имҩаҧысуаз жәларбжьаратәи ашәаҳәаратә еицлабра «ТЫ СУПЕР» афиналаҿ аиааира згаз, ахәаҧшцәа зегь бжьы хаала изыршанхаз аҧсуа шәаҳәаҩ қәыҧш  Валериа Адлеиҧҳа,  Урыстәыла жәлар рартист, акомпозитор Игор Крутои ааҧхьара лыиҭеит  иара ихаҭа еиҿкааҩыс дызмоу ахәыҷтәы ашәаҳәаратә еицлабра «Новая волна» лҽалалырхәырц.

2010  шықәса раахыс,  Ҟрым,ахәыҷтәы лагер «АРТЕК» аҿы есышықәса имҩаҧысуеит ари жәларбжьаратәи ахәыҷтәы- ашәаҳәаратә конкурс.

Аҵәҭаҧсарала еилкаахеит Валериа Адлеиҧҳа «Новая Волнаҿы» ажәбатәи аномер ала дшықәгыло атәы. Уаҟа иналыгӡаранаы иҟоу ашәа макьана имаӡоуп.

Уажәтәи аамҭазы Валериа лани лареи  Ҟрым  иҟоуп,уаҟа ашәаҳәаҩ  қәыҧш минуҭк аамҭа  мырӡкәа аицлабра аҽазыҟаҵара даҿуп.

Валериа аиааира ашьҭахьтәи лцәаныррақәеи,уажәазы аҽазыҟаҵарақәа шымҩаҧысуеи ртәы еиҭалҳәеит Аҧсны аинформациатә маҵзура  «Спутник»  апресс-центр аҿы еиҿкааз ателемост ала.
Валериа  илҳәеит, ашәаҳәаратә еицлабра «Ты супер» аҿы аиааира анылга, аҩбатәи амш аҽны Москвантәи Крымҟа  дышцаз.Уа даннеи зегь шлыдныҳәалоз атәы.

Валериа иазгәалҭеит, арҭ аицлабрақәа илдырҵаз шмаҷым,ари аамҭа иалагӡан ишлырҳаз хыҧхьаӡара рацәала аҩызцәа.

Зегь реиҳа игәхьаабгода ҳәа апресс-конференциа иалахәыз анлазҵаа, Лера илҳәеит, лашьа хәыҷы дылбарц шылҭахәу, иара убас  иаарласны Аҧсныҟа аара  шылҭаху.
Аҧсны агәазырҳага Лера Адлеиҧҳа ҳажәлар зегь лгәырҕьара  лыцеиҩыршоит, иагьақәгәыҕуеит лаҧхьа ишьҭоу  аицлабраҿы аиааира лгап ҳәа. Ашәаҳәаратә  еицлабра  «Новая волна» анхыркәшахалак Валериа Аҧсныҟа даауеит.
Амра Зарандиаҧҳа, Ҭимур Гогохьиа АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
101
17 Ианвар 2018
103
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
91
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
87
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
77
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
100
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
130
Загрузка плеера
Алаҳәарақәеи адныҳәаларақәеи
АГТРК