Аиҭашьақәыргылара ашьҭахь иаартуп амилаҭтә библиотека

01.06.2017
677

Иван Папасқьыр ихьӡ зху амилаҭтә библиотекаҿы аиҭашьақәыргыларатә усурақәа рышьҭахь официалла аартра мҩаҧысит. Ари гәырҕьаратә хҭысуп иара аколлективи, хыҧхьаӡара рацәала аҧхьаҩцәеи рзы.

Аҧхьаҩцәа рдунеихәаҧшышьа зырҭбаауа, адоуҳатә культура иадзыҧхьало иреиуоуп Иван Папасқьыр ихьӡ зху амилаҭтә библиотека. Ирацәаҩын аофициалла абиблиотека аартра иазыҧшыз ауаа. Арахь ааҧхьара рыман Аҧсны ахада Рауль Ҳаџьымба, акультура аминистр Ельвира Арсалыиаҧҳа, Аҧсны иҟоу Урыстәыла ацҳаражәҳәаҩ Семион Григориев. Анаҩс ацаха ҟаҧшь хырҵәеит.

Иара убасгьы акультура аминистр ҭабуп ҳәа ахылҳәааит, Урыстәылатәи Афедерациа Аҧсны амузеиқәеи, акультуратә ҩнқәеи, абиблиотекақәеи реиҭашьақәыргаларазы иҟанаҵо афинанстә цхырааразы. Анаҩс ирацәан абиблиотека иарҭаз аҳамҭақәа. Хәы-змаз ҳамҭан Аҧсны Ахада  абиблиотека аиҳабы инапаҿы ииҭаз ашәҟәы. Борис Ҷолариа иазгәеиҭеит, ари аҳамҭа дара рзы акыр шаҵанакуа. Аҧсны ахада абиблиотека аусзуҩцәа ирзеиҕьеишьеит ҧхьаҟатәи аиҕьӡара дуқәа.

Амилаҭтә библиотека аҧҵан 1921 шықәсазы. Раҧхьаӡа уи ашәҟәқәа рфонд еиҳарак шьаҭас иаиуит ахатәы бибилиотекақәа рҟынтә алитература. 1981 шықәсазы ари ахыбра ашәҟәыҩҩы Иван Папасқьыр ихьӡ ахырҵеит. Анаҩс  абиблиотека ҳәынҭқарратәны, ҭҵаарадырратә усҳәарҭаны иҟалоит. Уажәазы акыр шықәса инарзынаҧшуа ицоз аиҭашьақәыргыларатә усурақәа хыркәшоуп. Иубарҭоуп абиблиотека атехнологиа ҿыцқәа рыла ишеиқәыршәоу. Ашәҟәыҧхьаразы агәаҳәара змоу, иазҿлымҳау зегьы рзы алшарақәа аҧҵоуп. Аҧхьаҩ ииҭаху ашәҟәы алҧшааны иҭара ҳазыхиоуп, иҳәеит Борис Ҷолариа.

Иахьатәи аамҭазы абиблиотека амаҵ азызуа рхьыҧхьаӡара хынҩажәаҩык рҿынӡа инаӡоит. Урҭ аус руеит доусы рыҟәшақәа рҿы. Аҧсны аиҳабыра ауадақәа зегьы ирыҩналаны ирбеит.

Еихагыла цыҧхьаӡа аҟәшақәа ирҭааит. Аофициалтә аарта ашьҭахь, «Амилаҭтә библиотека аҿатәра, аҿиара, аҧеиҧш» захьӡыз анаукатә-практикатә конференциа мҩаҧган. Убас ахәылбыҽха изҭахыу зегьы алшара  рымоуп асоциал-культуратә акциа «Библионочь» аҽалархәразы.

Наала Чхьынџьериаҧҳа, Алықьса Агәхаа, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
47
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
77
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК