Аныҳәа аҳаҭыр азы Амобилтә еилахәыра «Аҟәафон», агәыҳалалратә фонд «Кьараз» аус зыднауло ахәыҷқәа ирызнархиеит аҳамҭа ҷыда.

01.06.2017
492

Аныҳәа аҳаҭыр азы Амобилтә еилахәыра «Аҟәафон», агәыҳалалратә фонд «Кьараз» аус зыднауло ахәыҷқәа ирызнархиеит аҳамҭа ҷыда. Иарбан ҳамҭоу еилыркаауан ҳкорреспондентцәа.

Традициала  амобилтә еилахәыра «Аҟәафон» иаҩнажьуам ари аныҳәа. Афонд  «Кьиарази» дареи  еиҿыркааит ахәыҷқәа зыргәырҕьаша аусмҩаҧгатә. Ҩымш ирылагӡан Очамчыреи Гәылрыҧшьи рраионқәа рҟынтәи ахәыҷқәа нхон амшын ахықәан игылоу апансионат «Кьалашәыр» аҟны. Актәи амш азы ахәыҷқәа ирзеиҿкаан аҧшаҳәахьы аныҟәара, идырбан ақалақь аҭыҧ ҧшӡарақәа, Аботаникатә баҳча, Аҳәынҭқарратә музеи,иаҭааит апарк «Сказка». Иҳәатәуп уаҟа игылоу ақьафурҭа аиҳабы ахәыҷқәа хәыда-ҧсада ишрыдигалаз ахаақәа, насгьы ахәыҷқәа амашьынақәа ирықәтәеит, ихәмарит, иччеит. Иубаратәы иҟан урҭ иргәаҧханы аамҭа шырхырго, ргәалаҟазаара шыбзиаз.

Агәыҳаларатә фонд «Кьиараз» аиҳабы Кама Гоҧиа лажәақәа рыла, дара ирҭахын ахәыҷқәа ари амш аламҭалаз аҳамҭа ҷыда рзыҟаҵара. Амобилтә еимадара «Аҟәафон» еснагьеиҧш ари аидеиа иахаҵгылеит.  Анаҩс Ахәыҷқәа ақьафурҭа «Нарҭаа» аҟны акрырҿарҵеит. Уи ашьҭахь апрофессионалтә  шьапылампыласҩы Витали  Федоренко ирзымҩаҧигеит амастер-класс. Ахәылбыҽха аҭоурыхҭҵааҩ Руслан Гәажәбеи, абизнесуаҩ қәыҧш Денис Саманбеи ахәыҷқәа ирҧылеит. Ирзеиҭарҳәеит даара аинтерес зҵаз аҭоурыхқәа. Аиҧылара даара аҧхарра аҵан.

Аҩбатәи амш азы ахәыҷқәа аҧшаҳәаҿы ирҧылеит бзиа еицырбо амультфильмқәа рҟынтәи афырхацәа. Нас рхы аладырхәит аҳҭнықалақь ахәыҷқәа рымш азы еиҿнакааз аусмҩаҧгатәқәа. «Аҟәафон»ахаҭарнак Асҭан Барцыц иажәақәа рыла, дара хықәкыс ирыман арҭ амшқәа ахәыҷқәа наунагӡа ргәаҵаҿы иаанхо иҟарҵарц, аҧхарра аҵаны иргәалашәаларц. Уи иҧхьаӡоит,  алшара змоу зегьы рзы  арҭ ахәыҷқәа рыцхраара уалҧшьаны.  

Арҭ аҩымшк ахәыҷқәа аус рыдылулон апрофессионалтә фотоҭыхыҩ Валентина Ваганова. Урҭ афотосахьақәа анаҩс ахәыҷқәа ирзыршоит. Иргәаланаршәаларц , аҧхарра зҵаз арҭ амшқәа.

Н.Ақаҩба, Е.Даммиров, САгәхаа, А.Гәажәба, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
45
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК