Аҟәа имҩаҧысит Аҧсны жәлар рџьынџьтәылатә еибашьра аветеранцәа злахәыз амитинг.

02.06.2017
609

Аҟәа имҩаҧысит Аҧсны жәлар рџьынџьтәылатә еибашьра аветеранцәа злахәыз амитинг. Ахақәиҭра ашҭаҿы еизеит  ауаа рацәа. Амитинг мҩаҧызгоз рахь инеит Аҧсны аҧыза-министр Беслан Барцыц, уи ихаҭыҧуаҩ Беслан Ешба.

Аиҧылара амҩаҧгара аҧшьигеит Аҧсны жәлар рџьынџьтәылатә еибашьра аветеран Асҭамыр Занҭариа.  Иара аибашьра аветеранцәа рахь ааҧхьара ҟаиҵеит иаартны еицәажәарц.

Амитинг аҟны излацәажәоз атема хадақәа иреиуан аибашьра аветеранцәа, аинвалидцәа рыҧсҭазаашьа, урҭ аматериалтәи амедицинатә цхыраарала реиқәыршәара азҵаарақәа.  Беслан Барцыц еизаз ргәы иҵхоз апроблемақәа дырзыӡырҩит, иҳәеит урҭ аҳәынҭқарра аганахьала ахаҵгылара шрырҭо.

Анхарҭа азҵаара ҳтәылаҿы иҵарны иқәгылоуп. Уахь иаҵанакуеит аҭаацәара қәыҧшцәа реиҧш, аибашьра аинвалидцәа рҭаацәарақәагьы. Аҧыза-министр иажәақәа рыла, аҳәынҭқарра шьаҿа-шьаҿала ари апроблема аӡбара иаҿуп. Иазгәаҭатәуп, иахьа ф-уадак еиҳа изҭаху ҳәа иҧхьаӡоу аибашьра аинвалидцәа рыҭаразы ақәҵара аиҳабыра рнапы шаҵарҩыз.

Хәыда-ҧсада аветеранцәа  ахәшәқәа рыҭаразы иҟоу апроблемақәа ртәы иалацәажәеит. Изларҳәаз ала ,афонд Аҧсныфармациа аҿаҧхьа иақәу ауал ҩажәа миллион мааҭ иреиҳауп. Еизаз изларҳәаз ала, убри аҟынтә дара ианаамҭоу ахәшәқәа роуам.

Беслан Барцыц агәра диргеит, асеиҧш апроблема ыҟазар, иахьаҵәҟьа аӡбара дшазхиоу. Иҳәеит иара убас, ишьҭырхыз азҵаарақәа рыӡбаразы акомиссиа шаҧҵоу. Аҧыза-министр ирыдигалеит аветеранцәа рхаҭарнакцәа ари акомиссиа рҽаладырхәырц. Иазгәеиҭеит, убри алагьы алшара шроуа хаҭала аус аӡбара анырра аҭаразы.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
55
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
45
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК