Амилаҭтә библиотекаҿы - «Библионочь».

02.06.2017
319

Амилаҭтә библиотекаҿы - «Библионочь».  Абас ахьӡуп раҧхьаӡа акәны Аҧсны имҩаҧгаз асоциал-культуратә акциа. Абиблиотека ашәқәа рзаанартит ари акциа азҿлымҳара азҭаз зегьы. Апрограмма шышьақәгылаз ҳаилдыркаауеит акциа иалахәыз ҳҭыхратә гәыҧ.

Асааҭ фба рзы ауснагӡатә хацыркын актәи аихагылаҿы еиҿкааз ахәылаҧазтә программала. Еизаз ирыман алшара ахәыҷтәы жәлар ринструментқәа рансамбль «Агәыҕра» инанагӡоз ашәақәа рзыӡырыҩрра.
Аҭааҩцәа рхаҿсахьақәа ирныубаалон араҟа имҩаҧысуаз агәахәара шырнаҭоз. Ахәыҷтәы гәыҧ «Агәыҕра» анаҧхгаҩы Марианна Арышҧҳа лажәақәа рыла, ахәыҷқәа маҷк ргәы хыҭхыҭуан, аха аинстурментқәа арҳәара ианалага нахыс, ашәара рхыҧсааит.

Анаҩс еизаз рҿынархеит аҩбатәи аихагылахь. Араҟа дара ирзыҧшын ҧшшәы рацәала ибеиаз ацәыргақәҵа, иара убасгьы иаархәар рылшон еиуеиҧшымыз анапкымҭақәа. Аҩбатәи аихагылаҿы ихадаз уадан амилаҭтә газеҭқәеи ашәҟәқәеи рыҟәша. Зегьы азҿлымҳара зырҭоз хәмаррахеит «квест викторина». Иара шьақәгылан ашәҟәқәа ирызкыз азҵаарақәа рыла.

Доусы ишьҭихыз ақьаад ианыз азҵаара аҭак ииашан аҟаҵара зылшаз маҷхеит. Секундқәак ирылагӡаны аҭак иашан иҟазҵаз дреиуахеит, Аҟәа араион абиблотекатә система хада аиҳабы, Аҧсны зҽаҧсазтәыз акультура аусзуҩы Зинаида Сабекьиаҧҳа.

Акциа «Библионочь»  зхы алазырхәыз иреиуоуп Аҟәатәи актәи абжьаратә школ аҩбатәи акласс аҵаҩцәагьы. Дара агәахәара рнаҭон акциа иахьалахәыз. Рыҩны иҟазшәа  иҧхамшьакәа ажәеинраалақәа ирыҧхьон, икәашон.

Ахҧатәи аихагылаҿы аҭааҩцәа идырбан аҧсшәахь еиҭагоу афильмқәа. Акинозал цәырҵра ҿыцуп ари ахыбраҿы. Апрограмма  шьақәгылан  х-киносахьак рыла. Ҳҭыхратә гәыҧ зықәшәаз афильм «Ҷышәшәына лзы х-расак» акәхеит.

Амилаҭтә библиотека аҟәшақәа руаки Аҧснытәи аҳәынҭқарратә университет аҟны еиҿкаау  Владимир Анқәаб ихьӡ зху Аҧсуа литература акабинети еицеиҿыркааит  аҧхьаратә хәылҧазы.
Апоезиа ацәаҳәақәа еизыргеит ахәыҷы инаиркны аду иҟынӡа, аӡәырҩы ажәеинраалақәа ирыҧхьон.
Иара убасгьы абиблиотекаҿы џьара-џьара, ашәҟәқәа ирылхны иҟаҵан еиуеиҧшым аекспозициақәа. Имаҷҩымызт урҭ ирылхны ашәҟәқәа аҧхьаразы изгаз ауаа. Ас еиҧш иҟоу ашәҟәқәа рыла аиҿартәышьа - буккросинг ахьӡуп.

Аҧсны раҧхьаӡа акәны имҩаҧгаз акциа «Библионочь» еизнагеит имаҷымкәа ауаа. Абжьааҧны абиблиотека аҩныҵҟа ҭынчразҭгьы, уажәы - ауадақәа зегьы рыҧсы ҭан. Абиблиотека аусзуҩцәа ражәақәа рыла, раҧхьаӡа акәны Аҧсны имҩаҧгаз акциа қәҿиарала имҩаҧысит.

Наала Чхьынџьериаҧҳа, Ельдар Дамиров, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
88
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
159
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК