Ажурналист, арежиссиор Анатоли Шьониа диижьҭеи сынтәа 70 шықәса ҵуеит.

02.06.2017
595

Ажурналист, арежиссиор Анатоли Шьониа диижьҭеи сынтәа 70 шықәса ҵуеит. Аҟәа Аибашьратә фырхаҵара Ахьӡ-аҧша аҳәынҭқарратә музеи аҟны иара игәалашәара иазкны аиҧылара мҩаҧысит. Уи еиҿнакааит Аҧсны ажурналистцәа реидгыла.

Ламысла иааӡаз, зыуаҩра ҳаракыз, зҩызцәа ирзааигәаз, аҳалалра зцыз, зус еснагь ҭакҧхықәрала иазнеиуаз - абас ауп Аҧсуа телехәаҧшра ажурналист, арежиссиор Анатоли Алықьса -иҧа Шьониа иҩызцәа, иколлегацәа ргәалашәараҿ дшаанхаз.
  
Акорреспондент, ССР ажурналистцәа Реидгыла алахәыла Анатоли Шьониа 1966 шықәсазы далгеит Ҭҟәарчалтәи 5-тәи абжьаратә школ.

Аамҭа кьаҿк азы аус иуан агазеҭ «Ткварчельский горняк» аредакциа алитературатә усзуҩыс, анаҩс ашахҭатә усбарҭаҿы, иара убас акомҿартә хеилак маӡаныҟәгаҩс. 1979 шықәсазы аусура далагеит Аҧсуа телехәаҧшраҟны арежиссер ицхырааҩс, анаҩс арежиссиорс.

Аҧсны жәлар рџьынџьтәылатә еибашьраан Анатоли Шьониа ихы дамеигӡакәа, ижәлар дрылагылан. Аибашьра ааилгаанӡа Мрагыларатәи афронт аҟны арратә корреспондентс аус иуан. Усҟантәи ашықәсқәа раан, ажурналист иусура даара ишымариамыз атәы аршаҳаҭуеит еиқәхаз, Анатоли Шьониа Тҟәарчалынтәи Гәдоуҭаҟа иколлегацәа ирзиишьҭыз асалам шәҟәы.

Анатоли Шьониа аибашьра цонаҵы, илахь еиҵыхны дыччомызт, иара убри аангьы агәкаҳара инубааломызт, ҳәа азгәарҭоит уи дыздыруаз. Ауаҩра ду злаз ажурналист, арежиссер, ижәлар рхьаа ихьаан.
Аус ицызухьаз, арежиссиор, ажурналист иколлегацәа иазгәарҭоит, Анатоли Шьониа иусураҿы ахаангьы агәамҵра шааимырҧшуаз.

Аиҧылараҿы Анатоли Шьониа иҩызцәа иргәаладыршәеит, иара еснагь ашьыжь, зегь раҧхьа аусура дышнеиуаз, анаҩс, ахәылбыҽха асааҭ жәеиза рзы аҵыхәтәантәи автобус дақәтәаны, иҩныҟа Ҭҟәарчалҟа дышцоз. Зус бзиа избоз арежиссиор уи еснагь ҭакҧхықәрала дазнеиуан.  

Аҧсуа ҭаацәараҿы иааӡаз, Анатоли Алықьса-иҧа Шьониа ахаангьы ахӡыргара дашьҭамызт.
Аибашьра изыннажьыз агәамбзиара иахҟьаны, Анатоли Шьониа иҧсҭазаара далҵит 1995 шықәсазы. Уи 48 шықәса ракәын ихыҵуаз. Анатоли Шьониа иҧсҭазаара даналҵ ашьҭахь, ианашьоуп Леон иорден.  Иреиҕьу арежиссиортә усумҭазы Урыстәылазегьтәи ажурналисттә премиа  ианаршьахьан, иара убас Аҧсны ажурналистцәа реидгыла актәи апремиа иоухьан. Анатоли Алықьса- иҧа Шьониа хәы змаӡам икадрқәа Аҧсуа телехәаҧшра архив аҟны иҟоуп. Зус иазҟазаз, арежиссиор, ажурналист Анатоли Шьониа игәаларшәара ыҟанаҵ,  уи ҧсра иқәым.

Уи игәаларшәара иазкыз аиҧылара ахыркәшамҭаз, Аҧсны ажурналистцәа реидгыла ахантәаҩы Руслан Ҳашыг, Анатоли Шьониа исалам шәҟәы  ахьӡ-аҧша аҳәынҭқарратә музеи ҳамҭас иаиҭеит.  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
21
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
21
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
25
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
79
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК