Аҧқьаҭ ду.

02.06.2017
975

Гагра иаартхеит «Море в Гаграх» захьӡу ашкол хәыҷқәа рыбжьара есышықәсатәи  жәларбжьаратәи аҧкьаҭымпылтә еицлабра. Иара еиҽкаан Аҧсны абаҩырҵәыреи аспорти рзы аилак аҧшьгарала, иара убас Аҧсны аҧкьаҭымпыл афедерациа ацхыраарала.

Аҧсны ирацәаӡам аҧқьаҭ асразы еиҿкаау акортқәа. Гагратәи акорт Амшын еиқәа аҿықә зегь аҟны иреиҕьӡоу, зхаҭабзиара ҳараку иреиуоуп. Убри аҟынтә ара еснагь  ирацәаҩуп аспортсменцәа рыдагьы хаҭала аҧқьаҭ иасуа ауааҧсыра. Гагра ақалақь аҟны имҩаҧысуаз аҧқьаҭтә турнир иалахәын хынҩажәаҩык инарзынаҧшуа аспортменцәа қәыҧшцәа. Аицлабра алахәылаҩцәа ирыдырныҳәаларц иааит, уи  аиҿкааҩцәа Абаҩрҵәыреи аспорти рзы аилак аспорт аҟәша аиҳабы Жанна Занҭариа, Аҧсны  аҧкьаҭымпыл афедерациа ахада Ҭамаз Абҕаџьаа, иара убас ақалақьуаа. Иҳаҩсыз ашықәс азы акәзар , иара иалахәын Урыстәыла арегионқәа рҟынтә аҧкьаҭасыҩцәа, уажәы еиуеиҧшым амзызқәа ирыхҟьаны ааҧхьара рымамызт. Зҽалазырхәызгьы Аҧсны араионқәа зегьы рҟынтә аспортсменцәа роуп.

Араҟа аҧқьаҭасыҩцәа қәыҧшцәа  идырҳауеит абаллқәа, ари аспорт хкы аҟны ихадароу рхатә реитингқәа аздырҳауеит. «Ари аҭагылазаашьа алшара ҳнаҭоит зҽалызкааз аспортсменцәа Аҧсны анҭыҵ аицлабрақәа рылархәразы»- ҳәа азгәеиҭеит Аҧсны аҧкьаҭмпыл афедерациа ахада Ҭамаз Абҕаџьаа.
Аицлабра иалахәызгьы қәрала  аа-шықәса инаркны жәибжь шықәсанӡа зхыҵуа аҿар ракәын.  Уажәы аҧкьаҭасыҩцәа афинал ахь анеиразы аицлабрақәа ирҿуп.

Атурнир аҿы Аҧсны  аспорт азҟаза ҳәа  ахьыӡ даҧсахеит Софиа Магакиан. Ари аҭыҧҳа аҳәаанырцәтәи аицлабрақәа рҟны аихьӡарақәа аалырҧшхьеит.

Аиндаҭларақәа мҩаҧыслоит мчыбжьык, уи иалагӡаны еилкаахоит аҧхьахәтә ҭыҧ аанызкылаз аспортсменцәа ртәы.

Асида Саҕариа, Давид Ҳашыг, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
9
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК