Аҧсны Аҳәынҭқарратә астатистика аусбарҭа имҩаҧнагеит аихшьалатә еилацәажәара.

05.06.2017
901

Аҧсны  Аҳәынҭқарратә астатистика аусбарҭа имҩаҧнагеит  аихшьалатә  еилацәажәара. Уи аҟны аусбарҭа аҟәшақәа рхаҭарнакцәа азааҭгылеит  ҩнызқьи жәаф шықәса  рзы  имҩаҧгаз ауснагӡатәқәеи, аусбарҭа аусура  иалагалаз аиҭакрақәа   иаадырҧшыз алҵшәақәеи.

Иахьазы Аҳәынҭқарратә статистикатә усбарҭа иамоуп   аҟәшақәа жәаҩа, есышықәса урҭ  рыҽдырҭбаауеит. Убас, ҩнызқьи жәаф шықәсазы иалагалан  уаанӡа иҟамыз аҭҵааарадырратә ҟәша. Аусбарҭа аиҳабы излазгәалҭаз ала, ари аҟәша шықәсык иалагӡан иаанарҧшыз алҵшәақәа акыр иҳаракуп.

Аҟәшақәа рхаҭарнацәа  иаздырхиеит  аихшьаалақәа. Уаҟа ирзааҭгылеит ахәаахәҭра, аимадара, атәылауаа рҭагылазаашьа, уҳәа еиуеиҧшым ахырхарҭақәа ирыҵаркуа астатистикатә рбагақәа.

Ҩнызқьи жәаф шықәсазы  анхамҩатә  шәҟәқәа   рыҿҳәара анҵәара инадҳәалан  аусбарҭа  аус аднаулеит ашәҟәҿыцқәа ралагалара. Урҭ раларҵәаразы раионцыҧхьаӡа иахәҭаз  аусмҩаҧгатәқәа еиҿкаан.
Астатистика аусбарҭа  ҩнызқьи жәаф шықәсазы  хаҭалатәи аусдкылара иадҳәалан  арҿыцрақәа аланагалеит.  Хаҭалатәи аусдкылаҩцәа русура  астатистика аусбарҭа иарбамкәа иаанхон, уи иахҟьаны астатистикатә рбагақәа акырӡа   илаҟәит.  

Асоциал-економикатә рбагақәа ртәы ҳҳәозар,  иазгәаҭан иҳаҩсыз ашықәс иалагӡан ашәҟәы ишҭагалаз  хнызқьи фышәи ҩынҩажәа нызқьи 640 наплакы.

Адемографиа азҵаара  аганахьала  аилатәараҿы  иҳәан 2016 шықәса .рзы ииз ахәыҷқәа рхыҧхьаӡара зқьи быжьшәи ханҩажәи аа-ҩык шыҟаз. Зыҧсҭазаара иалҵыз ауааҧсыра рхыҧхьаӡара зқьи ҧшьышәи ханҩажәи хә-ҩык рҟынӡа инаӡеит.

Аусбараҭа аусура   акырӡа  иарманшәалеит иаҧҵаз  аофициалтә саит,  аинтернет ахархәаҩцәа ирымоуп алшара  астатистика иадҳәалоу аинформациа   аиуразы.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК