«Аҧсны абжьаҟазаратә ӡбарҭеи аусӡбарҭа зинтә еиҭакрақәеи» ртемала аконференциа мҩаҧган.

06.06.2017
576

«Аҧсны абжьаҟазаратә ӡбарҭеи аусӡбарҭа зинтә еиҭакрақәеи» ртемала аконференциа мҩаҧган. Иара азкын абжьаҟазаратә ӡбара ҩажәа шықәса ахыҵра. Аконференциа аусура иалахәын Аҧсны Ахада Рауль Ҳаџьымбеи Жәлар реизара аиҳабы Валери Кәарҷиеи. 

1994 шықәса рзы ирыдыркылаз Аҧсны Аконституциа ҿыц аҟны иарбан анагӡаратәи азакуанҧҵаратәи мчқәа реиҟәыгара. Убри инақәыршәаны еиҿкаатәын абжьаҟазаратә ӡбарҭа. 1997 шықәса рзы Аҧсны раҧхьатәи Ахада Аконституциатә закуан инапы аниҵеит абжьаҟазаратә ӡбарҭа аҧҵаразы. Раҧхьаӡа уи ахантәаҩыс дҟаҵан Валери Гәырџьуа. Иара иоуп ари аӡбарҭа аиҿкаареи аусура аларгареи зылшаз. Уажәы абжьаҟазаратә ӡбарҭа ахантәаҩыс дыҟоуп Фатима Кәыҵниаҧҳа. Лықәгылараҿы илҳәеит, абжьаҟазаратә ӡбара иааннакыло аҭыҧ шмаҷым аекономикатәи анхамҩатәи еимакқәа реилыргара аус аҟны.

Аҧсны Ахада Рауль Ҳаџьымба абжьаҟазаратә ӡбарҭа аиубилеи уи аусуцәа ирыдиныҳәалеит. Аҧсны Ахада лымкаала иҭабуп ҳәа иеиҳәеит абжьаҟазаратә ӡбарҭа раҧхьатәи ахантәаҩы Валери Гәырџьуа. Абжьаҟазаратә ӡбарҭа аиҿкаареи ашьақәгылареи рус аҟны рылшамҭақәа рзы Аҧсны Ахада Иусҧҟала Аҧсны зҽаҧсазтәз аиуристцәа ҳәа аҳаҭыртә хьыӡқәа рыхҵан Валери Гәырџьуеи Фатима Кәыҵниаҧҳаи. Аҧсны Жәлар Реизара ақәҵарала абжьаҟазаратә ӡбарҭа ианашьан аҳаҭыртә шәҟәы.

Абжьаҟазаратә ӡбарҭа раҧхьатәи ахантәаҩы Валери Гәырџьуа иҩызцәа аиубилеи рыдныҳәало атәыла анапхгара иҭабуп ҳәа реиҳәеит имҩаҧырго аиҭакрақәеи, иҟарҵо азҿлымҳареи рзы. Аиубилеитә конференциа иалахәыз идырбан абжьаҟазаратә ӡбарҭа ҩажәа шықәса ахыҵра иазкыз анҵамҭа. Анаҩс Аҧсны аусӡбара зинтә еиҭакрақәа ирызкны ажәахәқәа ҟаҵан.

 Д. Инаҧшьба, Алықьса Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php