Аҧсны Ахада апресс- конференциа мҩаҧигеит ареспублика амассатә- информациа ахархәагақәа русзуҩцәа рзы.

07.06.2017
432

Аҧсны Ахада апресс- конференциа мҩаҧигеит ареспублика амассатә- информациа ахархәагақәа русзуҩцәа рзы. Рауль Ҳаџьымба инарҭбааны далацәажәеит атәыла асоциал- економикатәи, абзазаратәи ҭагылазаашьа зеиҧшроу.

Рҭак ҟаиҵеит ажурналистцәа ишьҭырхуаз азҵаарақәа. Аҧсны Ахада Рауль Ҳаџьымба апресс- конференциа алагамҭазы иазгәеиҭеит ажурналистцәеи иареи аҵыхәтәантәи реиҧылара инаркны иахьанӡа аамҭа маҷ шыбжьалаз. Иазгәеиҭеит, аҳәынҭқарра аҩныҵҟа аусқәа зегьы маҷк иуадаҩуп ҳәа иҟоу ацәажәарақәа дышрықәшаҳаҭым. Рауль Ҳаџьымба иҳәеит, атәыла анапхгара иҟоу аекономикатәи, афинанстәи ҭагылазаашьа ҳасаб азуны аусурақәа шеиҿыркаауа.

Ибзиоу аҭагылазаашьа аҧҵоуп Очамчыра араион аҟны ақыҭанхамҩатә аалыҵқәа раарыхреи, рыҭиреи рзы. Иара убасгьыы иаарласны аусура иалагоит ахштә аалыҵ аус ахьадыруло Аҟәатәи анаплакы.Иара еиқәыршәоуп ҳаамҭазтәи атехнологиа инақәыршәаны. Аҳәынҭқарра Ахада иазгәеиҭеит, ареспубликаҿы иаадрыхуа, мамзаргьы иҭрыжьуа аалыҵ Урыстәыла аҭиразы ишаҧҵоу аилак. Иара ацхыраара ҟанаҵоит уадаҩра ацымкәа ари аус аиҿкаара. Иҳәеит сынтәа аҳәынҭқарра ахарџьала ҩнызқьи хәышә метра ҧшьыркца анхацәа рыдгьылқәа хәыда- ҧсада ишыцәаҕәаз. Аҿиара амоуп абжьаратәи абизнес.  

Аиҳабыра убасгьы аганахь иаанырмыжьит ачаи аарыхра азҵаара. Ауадаҩрақәа ыҟоуп афымцанхамҩаҿ. Убас шакәугьы аҳәынҭқарратә еилакы «Амшынеиқәафымцамчы» иалшо ҟанаҵоит ауааҧсыра фымцалашарада иаанымхарц.

Атәыла Ахада иҳеит, Аҧсны шазыхиоу аҧсшьаҩцәеи атуристцәеи рыдкылара. Азин рымаӡамкәа азеиҧшдгьылқәеи, аҳәырҧсаррақәеи иахьрыҵанакәа ахыбрақәа зыргыло рызҵаара далацәажәо Рауль Ҳаџьымба иҳәеит , уи аҭыҧақәҵара аҭахны ишыҟоу. Аҧсны ахатәы економикатә хашәала аиуа ишалагазгьы , акыр ицхыраагӡоуп Урыстәыла иҟанаҵо аинвестициатә программа. Ажурналистцәа рызҵаарақәа рҭак ҟаҵо, Рауль Ҳаџьымба убасгьы игәаанагара иҳәеит, Аҧсны Жәлар Реизара ашҟа адепутатцәа ралхра шымҩаҧысыз азы, ианаамҭоу атәанчахәқәа аӡәыр имоузар уи зыхҟьо, Аҧсныи Урыстәылеи аҩныҵҟатәи аусқәа рминистррақәа еицырзеиҧшу аинформациа- координациатә хеилак аҧҵара дшахәаҧшуа, аҳәынҭқарра зырҕәҕәо аконституциатә еиҭакрақәа шымҩаҧысуа. 

Рауль Ҳаџьымба иазгәеиҭеит, аҩныҵҟатәи аусқәа рминистр Аслан Кобахьиа имаҵуара аанижьуеит ҳәа иҟоу ацәажәарақәа шҵаҵҕәыдоу. Амилициа русушьа азҵаарақәа шцәырнагогьы, аҵыхәтәантәи мызки бжаки ирылагӡаны иҟарҵахьоу маҷӡам, еиҳаракгьы анаркотикатә маҭәашьарқәа зҭиуа раанкыларазы, - иҳәеит атәыла ахада. Убас сынтәа ашәҟәы иҭагалаз ацәгьоурақәа ҩышәи ҧшьба рахьтә, шәи ҩынҩажәи жәаба ҟазҵаз аанкылоуп. Ирбаандаҩуп уаанӡа ашьауҕатә ус иацәыбналан иҟаз. Аҧсны Ахада убасгьы рҭак ҟаиҵеит егьырҭ азҵаарақәагьы.

 Д.Инаҧшьаба, Алықьса Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
44
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК