26-ҩык Лхаа рыҷкәынцәа иранашьоуп аҳәынҭқарратә ҳамҭақәа.

07.06.2017
744

Аҧсны аџьынџьтәылатә еибашьра еилгеижьҭеи ҩажәи ҧшьба шықәса ҵырц мызқәак роуп иаанхаз. Аха, иахьа уажәраанӡагьы иҟоуп аибашьра адәаҿы афырхаҵара аазырҧшыз рахьтә аҳәынҭқарратә ҳамҭақәа занашьам. 

Ааигәа, Атәыла Ахада Аусҧҟа инапы аҵеиҩит гәыҧҩык аибашьцәа аҳәынҭқарратә ҳамҭақәа рыҭаразы. Аиабшьра анцози уи ашьҭахьи иҟаз аидысларақәа раан рыҧсадгьыл рхы ақәырҵеит шәҩык инареиҳаны Лхаа рҵеицәа. Аҧсадгьыл ахьчаҩцәа еибашьуан еиуеиҧшым ахырхарҭақәеи архәҭақәеи рҟны. Изыхҟьазаалакгьы иахьа уажәраанӡа иаанханы иҟан зеибашьратә фырхаҵара азгәаҭамыз.

Мышқәак раҧхьа ҩажәи фҩык Лхаа рыҷкәынцәа иранашьан аҳәынҭқарратә ҳамҭақәа, Леон иордени , «Агәымшәаразы» амедали. Урҭ рахьтә жәаҩа- ҩык ианҭаха ашьҭахь. Аҳамҭақәа ранашьара аан ақыҭа ахадара ахыбрахь иааит иҭахаз ранацәа, рабацәа, аибашьцәа, араион ахадара рхаҭарнакцәа, арратә комиссариат аусзуҩцәа, ақыҭа ауаажәларра рхаҭарнакцәа.

Аҳамҭақәа ранашьара аан иқәгылаз усҟан ашкол аиҳабыс аус зуаз жәашықәсала аҵара-ааӡара знапы алакыз Лев Аланиа иҳәеит, шамахамзар иҭахаз реиҳараҩык хаҭала ишидыруаз урҭ ргәалашәара наӡаӡа игәаҵаҿы ишаанхо. Агәыҕра ыҟоуп афырхаҵареи агәымшәареи аазырҧшыз, аха зџьабаа азгәаҭам Аҧсны ахьчаҩцәа ироуп ҳәа изыҧсоу аҳамҭақәа.

 Е.Арџьениа, А. Џьениа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
45
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК