Адипломтə усумҭақəа.

07.06.2017
575

Аҧснытәи аҳәынҭқарратә университет аҟны асахьаҭыхратә ҟазареи адизаини ркафедра аушьҭымҭацәа еиуеиҧшым атемақәа рыла рдипломтә усумҭақәа рыхьчеит. 

Аушьҭымҭацәа ирылшеит рҵарашықәсқәа ирылагӡаны идырҳаз адыррақәа раарҧшра. Адипломтә усумҭақәа здызкылоз аҳәынҭқарратә комиссиа алахәылацәа идырбан ашәҵатәқәа рколлекциа , асахьақәа , апортреҭқәа . «Аҧсуа ҭыҧҳа лыҧшӡара амаӡа, » ахьӡуп абокалавр аушьҭымҭацәа ҩыџьа аҭыҧҳацәа иаздырхиаз ашәҵатәы коллекциа . Иарбан маҭәазаалак изшәызҵо ауаҩы ихаҿсахьа аанарҧшуеит , игәалаҟазаара иақәшәоит .

Ари аколлекциа аиҿкааҩцәа хықәкыс ирыман ,ажәытә аамҭа инаркны иахьанӡа , аҧсуа ҳәсақәа рышәҵатәқәа адунеизегьтәи амода инақәыршәаны ,рыҽшырыҧсахуа дырбара . Аколлекциа аиҿкааҩцәа руаӡәк Серада Адлеиҧҳа лажәақәа рыла , аҧсуа ҧҳәызба лышәҵатәы ианубаалозароуп иҵәахыу маӡак . Софа Агәмаа напхгара ззылуа аҿартә театр аҿы иқәыргылоу аспектакль «Человек –джентельмен »аҟны ихәмаруа актиорцәа рышәҵатәқәа аздырхиеит, иара убас, Аҟазара аҟәша акафедра астудентцәа . Урҭ рколлекциа дипломтә усумҭаны идырбан акомиссиа алахәылацәа . Даҽа хырхарҭакгьы рыдгалан аҧышәара иалахәыз. Уи Рок –н –ролл ахырхарҭа акәын . 

Ашәҵатәы аззырхиаз Кристина Быҭәҧҳа илҳәоит ,ари ахырхарҭа шамахамзар аӡәгьы ишалимхуа , лусумҭақәа рыла ишылҭахыз , ауааҧсыра ргьама шеиҧшым аарҧшра. Ахәаҧшцәа ирнубаалон урҭ ашәҵатәқәа ргәалаҟазаара шышьҭырхыз . Абас еиҿырҧшрак аҳасабла имҩаҧысит еиуеиҧшым аколлекциақәа дырбара . 

Аҟазаратә Ҟәша акафедра аиҳабы , адоцент Нугзар Логәуа иажәақәа рыла , ари аҟәша астудентцәа рнапы иҵыргахьо аусумҭақәа маҷым , раҧхьаҟагьы рыгәҭакқәа рацәоуп . Акомиссиа алахәылацәа ирҳәон, астудентцәа рҵаратә шықәсқәа ирылагӡаны идырҳаз рдыррақәа зегьы раарҧшра шрылшаз атәы. Аҳәынқарратә ҧышәарақәа рылҵшәақәа рыла, Аҟазаратә Ҟәша иалгаз 18 ҩык астудентцәа рахьтә , 12 ҩык хәба хәба ҳәа аҧышәарақәа рҭиит, иаанхаз ироуит ҧшьбақәа

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
103
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
107
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
118
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
95
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
87
15 Август 2018
69
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК