Аҧсуа бызшəа аурокқəа.

08.06.2017
1626

Аҳәынҭқарра Ахада Рауль Ҳаџьымба Иусҧҟала, ааигәа еиҿкааз абызшәатә политиказы аҳәынҭқарратә еилакы ихацнаркит  аҧсуа бызшәазы акурсқәа. Арҭ акурсқәа иазҧхьагәарҭоит, абызшәа хьысҳаны издыруа аҳәынҭқарратә усзуҩцәа дырҵара, рдырра арҵаулара. Ари апрограмма аҳәаақәа ирҭагӡаны, раҧхьаӡатәи аурок мҩаҧысит Аҧсны Жәлар реизараҟны.

Угәы унархьыртә иҟоуп зхатәы бызшәа аҵаразы акурсқәа аҧҵазарц аҭагылазаашьа ҳахьаниаз, аха даҽа ганкахьала,  уахәаҧшуазар, Аҧсны Жәлар реизараҟны иубаратәы иҟан, зхатәы бызшәа еиҕьызтәырц зҭаху рхыҧхьаӡара шырацәоу.Иазгәаҭатәуп, аҧсуа бызшәа аҵаразы агәаҳәара змоу аҧсуаа мацара шракәым, ирацәоуп егьырҭ амилаҭқәа рхаҭарнакцәагьы. Аҳәынҭқарратә бызшәатә политиказы аилак аусзуҩ Ада Кәарҷелиаҧҳа илҳәеит,  абызшәа арҵаразы апрограмма шьаҭанкыла ишазнеиз. Абызшәа зҵарц зҭаху шеиҟәшахо абызшәа ахьынӡардыруа аҩаӡара инақәшәо. Гәыҧцыҧхьаӡа ишазгәаҭоу аметодикатә шәыҟәқәеи ацхыраагӡақәеи.    

Акурсқәа мҩаҧыслоит хымз рыҩныҵҟа. Аихьӡара бзиақәа аазырҧшыз ирыҭахоит  аҧсуа бызшәазы акурсқәа ишырхысыз ала  аршаҳаҭгақәа. Апарламент аусзуҩцәа ракәзар ,урҭ ас еиҧш иҟоу акурсқәа гәахәара дула ирыдыркылеит. Иаадырҧшит агәыҕра ,рхатәы бызшәа аиҕьтәразы ацхыраара ду рнаҭап ҳәа.
Ари азҵаара  аганахь ала Аҧсны жәлар реизара адепутат Алмас Џьапуа игәаанагара ҳәо, иазгәеиҭеит , аҧсуа бызшәа зҵарц зҭаху рзы ишаҧҵатәу иақәнаго аҭагылазаашьақәа. Акурсқәа шхымҧадатәу ачынуаа рзы мацара акәымкәа, абызшәа зҵарц зҭаху дарбанаазалак рзы.

Аҳәынҭқарра Ахада Иусҧҟала, ахатәы бызшәа арҵаразы акурсқәа аартхоит Аҧсны араионқәа зегьы рҿы.  Уи  азы агәаҳәара змоу зегьы алшара  роуеит  аҧсуа бызшәа аҵаразы.

Н.Ақаҩба , Ҭ.Гогохьиа, АТ      



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
21
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
25
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
21
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК