Аҧсны иааны иҟоуп Башкортосҭантәи аҳәынҭқарратә аҳақьымтә университет аҟынтәи аделегациа.

08.06.2017
545

Арҭ амшқәа рзы Аҧсны иааны иҟоуп Башкортосҭантәи аҳәынҭқарратә аҳақьымтә университет аҟынтәи аделегациа. Дара рыҟазаара иалагӡаны Аҧсны агәабзиарахьчара аминистрреи Башкортосҭантәи  Аҳәынҭқарратә аҳақьымтә университети аиқәшаҳаҭра рнапы аҵарҩит.

Анаҩс Аҧснытәи Аҳәынҭқарратә университет аректор Алеко Гәарамиеи, Башкортосҭантәи  ауниверситет аректор Валентин Павлови рнапы аҵарҩит аҩ-ҵараиурҭак аимадара рыбжьазҵо аиқәшаҳаҭра.

Агәабзирахьчара аусхк аҿы зыҩаӡара ҳараку  аспециалистцәа разыҟаҵареи, аҳақьымцәа рзанааҭтә дыррақәа еиздырҳартә   еиҧш аҭагылазаашьа  аҧҵареи, иара убас иҿыцу ахәышәтәратә методқәа ралрҵәареи - абарҭ азҵаарақәа  роуп ихадараны иқәгылаз  анапы зҵаҩыз аиқәшаҳаҭра аҟны. Аҧсны аганахьала аиқәшаҳаҭра инапы аҵаиҩит агәабзирахьчара аминистр Ҭамаз Цахнакьиа,  Башкорҭасҭан аганахьала- аҳәынҭқарратә медицинатә  университет аректор   Валентин Павлов.

Валентин Павлов иазгәеиҭеит, ирыбжьарҵаз  Аиқәшаҳаҭра  шықәсарацәалатәи  русеицура    алҵшәақәа иаҳагьы  еихазҳаша акәны дшахәаҧшуа.

Иахьатәи аамҭазы Башкорҭосҭан  аҳақьым изанааҭ ала аҵара рҵоит Аҧснынтәи астуденцәа.   Иазгәаҭатәуп,  уи    амедицинатә Университет астудентцәагьы  есышықәса Аҧсныҟа  апрактика иахысырц  ишаауа.  

Башкорҭосҭанынтәи   аделегациа  рыҟазаара иалагӡан иазҧхьагәаҭоуп раҧхьаӡакәны  Ареспубликатә хәышәтәырҭаҿы Валентин Павлов инапхагарала   аҧҟарақәа рымҩаҧгара. Урҭ  мҩаҧгахоит ҳаамҭа иақәшәо амыруга ҷыдақәа рхархәарала.

Анаҩс Башкорҭосҭанынтәи  аделегациа Аҧснытәи Аҳәынҭқарратә Университет иаҭааит. Араҟа  аиҧылара аартуа,  ауниверситет  аректор Алеко Гәарамиа иазгәеиҭеиҭ, Башкорҭосҭантәи  ауниверситети Аҧсуа ҳәынҭқарратә университети русеицура хацыркуижьҭеи акыр шықәса шҵуа.

Аҧснытәи Аҳәынҭқарратә Университетаҿы  амедицинатә   факультет ыҟаӡам, аха  аус ауеит аҳақьымцәа рзанааҭ акыр иазааигәоу абиологиа-физикатә кафедра.Ари акафедра иаушьҭымҭацәахахьеит хышәҩык  инарзынаҧшуа.


Аиҧылара иалахәыз астудентцәеи, арҵаҩцәеи изызҿлымҳаз азҵаарақәа рҭиуан. Иҟарҵон  аҩ-ҵараиурҭакгьы  еицырзеиҧшу аҧхьаҟагьы  аусмҩаҧгатәқәа аҧҵара алзыршаша ажәалагалақәа.
Аҧснытәи Аҳәынҭқарратә Университет аректор, академик  Алеко Гәарамиеи Башкорҭосҭантәи  Аҳәынҭқарратә медицинатә  Университети ирыбжьоу аимадара  арҕәҕәареи,  аусеицзуреи    алзыршаша аиқәшаҳаҭра рнапы аҵарҩит.

Ари аиқәшаҳаҭра  аҳәаақәа ирҭагӡаны иазҧхьагәаҭоуп аҩ-ҵариурҭакгьы рҧышәа аимдареи,  еицырзеиҧшу  акафедрақәа раҧҵареи.

Амра Зарандиаҧҳа, Саид Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
56
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
67
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
46
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
49
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
17
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
11
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК