Аусхкырацəатə коллеџь.

08.06.2017
703

Сынтәа аҵараиурҭақәа ирылго аушьҭымҭацәа аҧышәарақәа риҭира иаҿуп. Уи ашьҭахь  адипломқәа рыхьчара иалагоит.    Ихаау дипломтә хьчарахеит ҳәа азырҳәеит  Аҧснытәи аусхкрацәатә коллеџь иалгоу  аушьҭымҭацәа рҟазара  ахәшьара азҭоз  акомиссиа алахәылацәа.

Аҧснытәи аусхкрацәатә коллеџь аҿы аҧышәарақәа хыркәшаны адипломқәа рыхьчара иаҿуп. Сынтәа ари аколлеџь иалго аушьҭымҭацәа ҧшьынеижәи жәеиза ҩык ыҟоуп. Урҭ рахьтә хаҭала ҳҭыхратә гәыҧ зҭааз аҧсуеи европеи рчыс ҟазҵо ргәыҧ ауп. Ҩажәи жәаҩа ҩык аушьҭымҭацәа шықәсык иалагӡаны афатәҟаҵаразы идырҳаз рдыррақәа ддырбон акомиссиа алахәылацәа.

Кристина Арышҧҳа  лыфатә ахәшьара азҭараны иҟоу ауаа хылхырц лгәы иҭоуп асалаҭ «Мужское сердце» ала. Ахәыҟаҵаҩ иаҳзеиҭалҳәеит, ари  азанааҭ ус баша ишаллымхыз, ландугьы афатә ҟаҵара лнапы шалакыз. Лара илҳәоит, уи лышьҭра дықларц лгәы ишҭоу,  лаҧхьаҟагьы ахәыҷбаҳчаҿы афатә ҟаҵаҩыс дҟаларц шылҭахәу.

Кристина иалылхыз афатә европатәи ачыс иатәызар, Арнольд хырхарҭа зиҭаз аҧсуа чыс ауп. Иара иҳәоит, ари азаанаҭ хатәгәаҧхарала ишалыихыз. Уи ишазку  идипломтә усумҭагьы. Ари аҧхынра Пицундаҟа ацара игәы иҭоуп афатә ҟаҵаҩыс.

Шықәсык иалагӡаны ари аколлець аҿы идыррҵо рацәоуп. Аҳәызба аҟышьа инаркны афатә аҟаҵареи арҧшӡареи рҟынӡа. Иазгәаҭатәуп, ахәыҟаҵаҩ изаанаҭ Аҧсны азҿлымҳара шамоу. Еиҳарак аҧхынразы. Арҭ аушьҭымҭацәа реиҳарак шьҭа  русуратә ҭыҧқәа алхны ирымоуп. Урҭ рҵара ашықәс иалагӡаны, ирзаҧҵан аҭагылазаашьа, аколлеџь анҭыҵ, Аҧсны иаҵанакуа акрыфарҭақәа рҿы апрактика ахысразы.
Аушьҭымҭацәа адипломқәа  рыхьчоит ргәы ацҧыҳәаны, шәарак аҵамкәа. Араҟа иаҭахӡамызт ҿырҳәала ақәгылара, мамзаргьы аҧхьара. Иалыухыз афатә ахцәажәара ала акәын ишеиҿкааз ахьчара. Аушьҭымҭацәа, азааҭгылон, иҟарҵаз афатә злыхыз, иарҭаз амарҭхәқәа, афатә аӡраан, ма ажәраан, заҟа сааҭ аго атәы уҳәа. Ажәакала, идырхиаз афатә иаҵанакуа аҷыдарақәа зегьы иазааҭгылар акәын. Убри аан, акомиссиа ахәшьара шарҭоз агьама баны акәын.

Ҩажәи жәаҩа ҩык афатә ҟаҵара знапы алаку аушьҭымҭацәа атәыла акрыфарҭақәа рҿы аус рулоит.  Аҧснытәи аусхкрацәатә коллеџь иалгоу  аушьҭымҭацәа ражәақәа рыла, ари амш аҭакҧхықәра зцу мшуп дара рзы. Иҟалап, урҭ  раҧхьаҟа еицырдыруаны фатә ҟаҵаҩцәа дуқәаны  иҟалар. Уи азы иаҭахуп иалырхыз азанааҭ гәык ҧсыкала амаҵ аура.

Нааала Чхьынџьериаҧҳа, Леон Адлеиба, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
44
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК