Ашəҟəы "Чыкəбараа рабиҧарақəа жəба" аӡыргара.

08.06.2017
828

«Чыкәбараа рабиҧарақәа жәба» ҳәа захьӡу Диана Чыкәбарҧҳа авторс дызмоу ашәҟәы аӡыргара мҩаҧысит Д.Гәлиа ихьӡ зху Аҧсуаҭҵааратә институт  аҿы. Аусмҩаҧгатә иалахәын аҵарауаа, ауаажәларратә усзуҩцәа,  реиҧш иара убас Чыкәбараа рыжәла ахаҭарнакцәагьы.

«Чыкәбараа рабиҧарақәа жәаба» иагәылалеит автор шықәсырацәала еизылгоз Чыкәбараа рыжәла иазку архивтә,  атопонимикатәи аетнографиатәи материалқәа, уи адагьы жәа-биҧарак ирыҵаркуа  200 инарзынаҧшуа афотосхьақәа.

Ашәҟәы  автор  иазгәалҭеит, лаб  Иван Чыкәбари уи иашьа Григори Чыкәбари рыжәла аҭҵаара еснагь рнапы шалакыз. Урҭ еизыргаз афактологиа сусумҭа шьаҭас иаиуит ҳәа лҳәоит лара.

Ашәҟәы ианылеит иарбоу ажәла шәи ҩажәи жәаҩа ҩык ахаҭарнакцәа аҳәынҭқарра ашьақәыргылара аус аҿы рлагала. Аетнолог Сима Дбар иазгәалҭеит, ари ашәҟәаҿы Чыкәбараа рҭоурых  адагьы ишаарҧшу Аҧсны аҭоурыхгьы.

Аӡыргара иалахәыз хаҭала  иазааҭгылеит, автор аочеркқәа рыҩраҿы лхы иалырхәаз ажәаҧҟақәеи еицырдыруа аҵарауаа рцитатақәеи. Аҧсуаҭҵааратә институт аиҳабы Арда Ашәба иажәақәа рыла, ашәҟәы аҭоурыхтәи ааӡаратәи аҵакы амоуп. Зыжәлар рҿы зҿахәы зҳәахьоу рҭоурых аҭҵаара иашьҭоу ас еиҧш иҟоу ашәҟәқәа еиқәдыршәозар, ҳажәлар рҭоурых аҭҵаара еиҳа имариахоит азгәеиҭеит иара.

Ашәҟәы «Чыкәбараа рабиҧарақәа жәба» ҩуп урыс бызшәала, Уи иазҿлымҳау ашəҟәыҭиирҭақәа   шәрыдҵаалар алшоит.

Саид Џьарсалиа, Асҭамыр Гәажәба, АТ




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
51
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
158
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
100
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
142
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК