Ареспубликатә хәышәтәырҭа хадаҿы имҩаҧысит анаука-практикатә конференциа.

09.06.2017
572

Ареспубликатә хәышәтәырҭа хадаҿы  имҩаҧысит анаука-практикатә конференциа. Уи иалахәын  Башкорҭасҭанынтәи ҳтәыла иаҭааз ахақьымцәа. Аконференциа ахырқәшамҭаз Аҧснытәи рколлегацәа амедицина аганахь ала амастер-класс дырбан.

Аконференциа азкын, амедицинатә технологиа ҿыц ацәырҵра. Хаҭала уахь иаҵанакуа, алапароскопиатә ҧҟаратә технологиақәа. Аурологиа, ахирургиа, агинекологиа ахырхарҭақәа рҿы алапароскопиа аларҵәара амоуп ҳтәылаҿгьы. Уи аҧышәа аизырҳаразы Башкорҭасҭанынтәи иаҳҭааит аҳақьымцәа, ҳәа азгәеиҭеит агәабзиарахьчара аминистр.

Иахьатәи аамҭазы иҟоуп иалкаау ачымазарақәа рыхәышәтра алзыршо алапароскопиатә методқәа.  Уи еиҳарак ахархәара  аиуеит агәчама маҷ ацәеижьхәҭаҿы акьыба чымазара аанахәар. Аҧсны аҳақьымцәа алархәны имҩаҧгаз асеминар аҿы, амедицинатә ҭҵаарадыррақәа рдоктор, ахирург, ауролог, Башкорҭасҭантәи аҳәынҭқарратә амедицинатә университет  аректор Валентин Павлов иазгәеиҭеит, ахәышәтәра аметод ҿыцқәа ралагалареи ауаа аҧышәа рымадареи ишрызхиоу.

Анаҩс еизаз зегьы идырбан амастер-класс. Аекран аҿы аҧҟарҭатә уада аҟынтәи, ишиашоу ицо аефир ала аҧҟара шымҩаҧысуаз убон. Уаҟа ахирург, ауролог,  Валентин Павлов, Аҧснынтәи аҳақьымцәа ицырхыраауа  ҩынажәи ҩба шықәса зхыҵуа ачымазҩы, алапароскопикатә технологиа аметод ала дҧырҟон. Аҳақьым еиҭаиҳәон, ауаҩы аоперациа изураан, изықәныҟәатәу аҧҟарақәа. Раҧхьаӡа иргыланы ишаҭаху ауаҩы иманшәаланы ишьҭаҵара, аҧҟара ахьақәшәо аҭыҧ ииашан  алхразы.

Иҳәатәуп, Аҧсны раҧхьаӡа акәны ауаҩы иҧҟара  ианаҿу аамҭазы ишиашоу аефир ала ишыддырбаз. Аҧснытәи аҳақьымцәа ироуит алшара Башкорҭасҭантәи аҳақьым  Валентин Павлов, иусушьа ацклаҧшраз. Ҳтәыла аҳақьымцәа ироуз адыррақәа раҧхьаҟа рхы иадырхәоит, атәыла ауааҧсыра ирыхәҭоу амедицинатә цхыраара рыҭаразы. Имаҷымкәа аҳақьымцәа  Аҧснынтәи Башкорҭасҭан амедициана ахырхарҭала иреиҳау аҵара иалгахьеит. Агәыҕра ыҟоуп дара реимадара алҵшәақәа аиуп, ҳәа.

Наала Чхьынџьериаҧҳа, Беслан Чхьынџьериа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Маи 2018
63
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
112
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
16 Маи 2018
119
Аҧсны аҵареи аҭҵаарадырреи рминистрра атəыла Ахада иахь иҟарҵаз аҳəара инақəыршəаны, урҭ раахəаразы аҧара рзоужьын Аҧсны Ахада ифонд аҟынтə.
16 Маи 2018
110
Аҟəатəи ақалақьтə еизара аҟны ари азҵаара ӡбаахаанӡа уаанӡатəи ахəҧсала аус рулоит..
Загрузка плеера
Алаҳәарақәеи адныҳәаларақәеи
АГТРК