Ҳтәылаҿы имаҷуп зшьа азҭо адонорцәа рхыҧхьаӡара.

09.06.2017
727

Ҳтәылаҿы имаҷуп зшьа азҭо адонорцәа рхыҧхьаӡара.  Ауааҧсыра ршьа арҭартә еиҧш агәаҳәара роурц азы асоциалтә льготақәа рзаҧҵатәуп,- ҳәа азиҧхьаӡоит Аҧсны агәабзиарахьчара аминистр Ҭамаз Ҵахнакьиа. Абарҭ апроблемақәа ирзааҭгылан  «Спутник» амаҵзура имҩаҧнагаз апресс-конференциа аҿы.

Ҳтәылаҿы имаҷымкәа ахҭысқәа ҟалахьеит ауаҩы иаалырҟьаны  ахәышәтәырҭаҿы даннаргалак, иҧсы аиқәырхаразы, иларҵо ашьа анрымам. Ас еиҧш иҟоу аҭагылазаашьақәа рзы, ахәышәтәырҭақәа ирымазароуп ашьа ахьеизырго абанкқәа. Агәабзиарахьчара аминистр Ҭамаз Ҵахнакьиа иажәақәа рыла, иҟаӡам иҷыдоу аҳәынҭқарратә программа адонорцәа радыҧхьаларазы. Аха ашьеилаҭәара азҵаара ҳара ҳзы еснагь азҿлымҳара амоуп.

Ашьалаҵара зҭаху ачымазаҩ лассы ицхраауеит уи иҭынхацәа. Аха иҟалалоит, ауаҩы шамахамзар иуҧымло ашьа агәыҧ анимоу. Усҟан ауп ианадҵаало ашьеизгарҭатә банк, уаҟа ирҭаху ашьа агәыҧ  аныҟам, ауааҧсыра рҭелқәа рахь алаҳәарақәа рышьҭуеит ацхыраара азы.  Ҭамаз Ҵахнакьиа иажәақәа рыла, ауааҧсыра ршьа арҭартә еиҧш агәаҳәара роурц азы асоциалтә льготақәа рзаҧҵатәуп.  
    
Аҟәатәи ареспубликатә хәышәтәырҭа аҟны ашьеизгарҭатә ҭыҧ хада еиҿкаан 2005 шықәса азы. Ашьеизгарҭатә ҭыҧ хада аусзуҩы Инга Шьакаиа иазгәалҭеит, ауааҧсыра ршьа аҭара ианнеиуа, урҭ ранализқәа шырго еиуеиҧшым аҿкытә чымазарақәа рцәа иалоу иаламу аилкааразы. Лара убасгьы иазгәалҭеит, ҳуааҧсыра 1000 ҩык рахьынтә 12-13 ҩык роуп зшьа азҭо. Урҭ рхыҧхьаӡара аизырҳаразы, лассы дара ирзеиҿкаалатәуп адонортә цхыраара ахықәкы атәы зҳәо еиуеиҧшым атреннингқәа.

Аҧсны аҿартә политиказы аҳәынҭқарратә еилакы ахантәаҩы Алиас Аҩӡба иазгәеиҭеит, реилак аҟны имаҷымкәа аҿар ашьеизгарҭатә ҭыҧ хада аҟны ршьа шарҭо, урҭ рхыҧхьаӡара есышықәса  ишацло.
Рашәарамза 14, жәларбжьаратәи адонорцәа рымш аҽны, асааҭ 11 рзы Аҟәатәи Ареспубликатә хәышәтәырҭа, ашьеизгарҭатә ҭыҧ хада аҟны имҩаҧгахоит «Шьак ауп иҳалоу» захьӡу акциа. 18 шықәса инадыркны 55 шықәсанӡа згәы бзиоу ауааҧсыра зегьы ирымоуп алшара ршьа арҭарц.  

Алика Ҭраҧшьҧҳа, Тимур Гогохиа, АТ  






Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
137
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
125
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
146
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
77
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК