Атроллеибустə цəаҳəақəа.

09.06.2017
543

Мызкы аҩныҵҟала     еиҭашьақәыргылахоит  Алашарбага инаркны Ҭҳәыбынынӡа ицо  атроллеибустә цәаҳәақәа.

Абар хәышықәса инарзынаҧшуеит  атроллеибусқәа     Алашарбага -Ҭҳәыбын     рхырхарҭала рныҟәара аанкылоижьҭеи . Иахьазы,  ацәаҳәақәа реиҭашьақәыргылара иадҳәалоу  аусқәа   нагӡоуп  Алашарбага аҳаблаҿы иҟоу 12-тәи ашкол  инаркны  астадион  хада аҟынӡа . Аусурақәа мҩаҧысуеит Аҭынчра  апроспекти   Имам  Шамиль ихьӡ зхыу  амҩадуи  реихысырҭаҿы.

2012 шықәсазы  амшцәгьақәа  ирыхҟьаны , ацәаҳәақәа аҧхасҭа роуит . Аҟәа ақалақь ахадара , урҭ реиҭашьақәыргылара хықәкыс иҟаҵаны , ари ахырхарҭала  атроллеибусқәа рныҟәара   ааныркылеит. Имҩаҧган  атендр  ари аус  аиҿкаара зылшоз  анаплакқәа  алархәны . Уи аҟны аиааира згаз , аргыларатә  наплакы  шықәсык уажәаҧхьа  арҭ аусурақәа рынагӡара нап  анаркит , иагьымҩаҧыргеит имаҷымкәа  аусқәа. Атроллеибустә  усбарҭа  аиҳабы  Иури  Барганџьиа  иажәақәа рыла , ҳазҭоу ашықәс март мза  инаркны  , ацәаҳәақәа реиҭашьақәыргыларазы  аусурақәа ирыцнаҵеит  атроллеибустә усбарҭа.
Аусбарҭа аиҳабы иажәақәа рыла , аусурақәа знапы рылакыу , даара аҧышәа змоу  специалистцәоуп . Русгьы ибзианы анагӡара иаҿуп .

Иахьазы  , атроллеибусқәа бжьоуп    Алашарбага  аҳабла инаркны Аџьармыкьа  аҟынӡа. Мызкы аҩныҵҟала     еиҭашьақәыргылахоит  Алашарбага инаркны Ҭҳәыбынынӡа ицо ацәаҳәақәа .







Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
13
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
20
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
19
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК