Очамчыра имҩаҧысит араионтә еизара ақалақьтә комиссиа аилатәара.

12.06.2017
385

Очамчыра имҩаҧысит араионтә еизара ақалақьтә комиссиа аилатәара. Излацәажәоз апроблема хадақәа ируакын хылаҧшрада ақалақь иалоу арахә раанкылара. Акомиссиа аусура ихы алаирхәт араион ахада Хьрыҧс Џьопуа. 

 Хылаҧшрада ақалақь иалоу арахә рызҵаара изныкымкәа ишьҭырххьеит Очамчыра араион ахадараҿгьы, араионтә еизараҿгьы, аха ари азҵаара алацәажәара иаанашьҭуа алҵшәақәа маҷуп. Иахьатәи аамҭазы Очамчыра ақалақь аҿы арахә рзануп 70 ҭаацәара рҟынӡа. Урҭ реиҳараҩык араион ахада хаҭала дрылсны драцәажәахьеит . Иҟоуп дара рыбжьара арахә зҭихьоугьы. 

Акомиссиа аилатәараҿы дықәгыло, араионтә еизара адепутат Даур Ҵәыџьба дазааҭгылеит аизара адепутатцәа аҵыхәтәантәи аамҭазы ари азҵаара иазкны имҩаҧыргахьоу аусурақәа ртәы. Акомиссиа аилатәара иалахәын иара убасгьы ақалақь ауааҧсыра . Дара еиуеиҧшым ажәалагалақәа ҟарҵеит хылаҧшрада ақалақь иалоу арахә рызҵаара аӡбаразы. Ишдыру еиҧш , Очамчыра амшын иаҧну қалақьуп. Аҧхын арахь иаауа аҧсшьаҩцәагьы рхыҧхьаӡара рацәоуп. Араион ахадара амчқәа рыла амшын аҧшаҳәаҿы аусурақәа маҷымкәа имҩаҧысхьеит. 

Ақалақь ахаҿра аиҕьтәразы араҟа еиҭарҳаит хыҧхьаӡара рацәала ашәҭқәеи аҵиаақәеи. Аха ақалақь иалоу арахә урҭ хыжәжәаны ирфоит мамзаргьы иркәаҳауеит. Аилатәара ахырқәшамҭаз араион ахада ажәалагала ҟаиҵеит, мышқәак рыҩнуҵҟа ақалақь аҿы арахә ззану зегьы алархәны аизара амҩаҧгаразы.

 А. Корсаиа, А. Маланиа,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
8
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
4
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
6
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
3
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
5
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
3
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК