Аурыс драматә театр аҿы аҧхынразы иқәыргылахоит аспектакль ҿыцқәа.

12.06.2017
585

Аурыс драматә театр аҿы аҧхынразы иқәыргылахоит аспектакль ҿыцқәа. Урҭ руак мышқәак рышьҭахь ахәаҧшцәа ирыдгалахоит. Аспектакль «Примадонны» цәырҵра ҿыцуп Аҧсны азы. Акомедиа асиужет зеиҧшроу, аспектакль аҟынтәи актиорцәа ззыҧшу уҳәа  еилыркаауан ҳкорреспондентцәа аурыс драматә театр аҿы имҩаҧгаз апресс-конференциаҿы.

Рашәарамза жәохә, жәаф, ҩажәи хҧа рзы имҩаҧысуа аспектакль «Примадонны» еизнагоит хыҧхьаӡара рацәала атеатр абзиабаҩцәа, уи арҵабыргуеит акык ҩбак рыда абилеҭқәа зегьы ахьаархәахьоу. Аччара зцу, агәалаҟазаара бзиа узҭо қәыргыламҭахоит ари аспектакль, ҳәа азгәарҭеит, аурыс драматә театр аҿы имҩаҧысыз апресс- конференциаҿы. Ари аспектакль ықәзыргылахьоу рацәаҩуп, урҭ рҟынтә хаҭала ҳара еиҳа иҳақәҿиеит ҳәа азысыҧхьаӡоит, избанзар бааҧсык аҵамкәа аарҧшра ҳалшеит, ҳәа азгәаиҭеит атеатр аиҳабы.  

Аурыс драматә театр аиҳабы Иракли Хынҭәба иажәақәа рыла, ахәаҧшҩы  ирччара иаҳа иуадаҩуп, ирҵәыуара аасҭа. Убри азоуп иҳалшо зегь зыҟаҳҵо атеатр иаҭаауа иргәаҧхаразы, ҳәа азгәаиҭеит атеатр аиҳабы. Аспектакль арежиссиор- ақәыргылаҩс дамоуп  Урыстәыла атеатртә ҧсҭазаараҿы еицырдыруа Сергеи Ефремов. Иара акомедиа ажанр инапы алакуп. Аспектакль» Примадонны» ақәыргылараан, иара хшыҩзышьҭра аиҭеит, атеатр атруппа иалоу актиорцәа дара дара рҳәоу еиқәшәаны, аус ахьеицыруаз. Убасгьы иҳәеит, Урыстәыла шамахамзар ари аҩыза атруппа  шыуҧымло.

Асиужет иалоуп аусурҭа змам ҩыџьа афырхацәа. Дара ироуеит аҭагылазаашьа бзиа амал ду рнапаҿы аагаразы. Уи азы ирылшо зегь ҟарҵоит, иаҭаххаргьы  аҧҳәыс маҭәа ашәҵарагьы иазхиоуп, амал ду змоу аҭакәажә дхырхырц азы. Урҭ рхаҿсахьақәа раарҧшра актиорцәа азыхиоуп. Апресс-конференциаҿы аспектакль иазааҭгыло иҳәан, асценаҿы ахәмарра ус ишымариам. Уи аџьабаа ду шацу. Ауаҩы игәаҵанӡа инеиртә аҟаҵара ишус хадоу.

Мышқәак рышьҭахь аспектакль иахәаҧшырц атеатр иаҭаауа ауаа, рхы-ргәы алаҟаны идәылҵуеит. Избанзар, знык ари аспектакль иахәаҧшыз, хыҧмада, даҽа зныкгьы ибар иҭаххоит,- ҳәа азгәаҭан апресс-конференциаҿы. Ус шакәу агәра шәгоит шәаргьы ишәаҩшәмыжьыр.
Наала Чхьынџьериаҧҳа, Беслан Чхьынџьериа, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
17
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
23
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
31
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК