Акыр аамҭа илыхьуаз ачымазара иахҟьаны, лыҧсҭазаар далҵит “Агәымшәараз” амедал занашьоу Лиа Ҧачлиаҧҳа.

13.06.2017
1541

Акыр  аамҭа илыхьуаз  ачымазара иахҟьаны лыҧсҭазаар  далҵит    “Агәымшәараз”  амедал  занашьоу    Лиа  Ҧачлиаҧҳа.  Аҧсны  Аџьынџьтәылатә еибашьраан Лиа  Ҧачлиаҧҳа    далан    мраҭашәаратәи  афронт   амедика-  санитартә баталион,  амедицинатә еҳәшьас  дыҟан.

Аҧсны Аџьынџьтәылатә еибашьраан арратә ҳақьымс иҟаз, зыҧсҭазаара зегьы ауаа рыхәышәтәра  иазызкыз,  акардиолог Лиа Ҧачлиаҧҳа згәы аартыз, ауаа рзы иразыз, есымша аччаҧшь зҿықәыз уаҩны ауп лҩызцәа дшыргәалашәо. Марина Шьанааҧҳеи лареи еиҩызцәа гәакьақәан. Еибадыруеижьҭеи ҩынеижәа шықәса раҟара ҵуан. Лара илҳәоит, лҩыза дшыҟам агәра гара шылцәыуадаҩу.  Аибашьра ашықәсқәа лгәалалыршәо дазааҭгылоит, афырхацәа рыхәрақәа рыхәшәтәра лара лхахьы ишылгоз, аибашьратә цәаҳәаҿы лаамҭа зегьы шылхылгоз.

Лиа Ҧачлиаҧҳа дызхьымӡаз даара ирацәоуп. Уск аҵыхәала акәзар есымша аҧхьа дгылон. Уи дазҿлымҳан. Лара есымша илҳәон, схәыҷы лгәырҕьара сыбла иабандаз ҳәа. Аха иаалырҟьаны лыҧсҭазаара далҵуеит. Лиа лҩыза гәакьа  Светлана Қорсаиаҧҳа илҳәоит, сгәы абжа сымнахызшәа схы збоит. Светланеи лареи ҩажәи жәохә шықәса аиҳәшьцәа реиҧш еизыҟан. Аҩыза изыҳәан зыҧсы зҭиуаз,ҧсыуак зхы згәы зегьы ихҭнызҵоз уаҩын. Ауаҩы лаша шлакәыз, лгәы шыразыз атәы рҳәоит ибзиан дыздыруаз лҩызцәа.

Урыстәылантәи аҳақьымтә ҵара иалганы иааз Лиа Ҧачлиаҧҳа аҵыхәтәантәи аамҭазы ҳақьым хадас аус луан афиздиспансер аҿы. Лиа иааигәаны дызрыдуаз, лҩыза Викториа Ҳашыг илҳәоит,  аибашьра раҧхьатәи ашықәсқәа раан, Гәымысҭатәи афронт аҿы ахәцәа рыҧсы шеиқәлырхоз.

Зыламыси, зыуаҩреи  ҳаракыз Лиа Ҧачлиаҧҳа аҵыхәтәанынӡа лҵшәа бзиала дааиуан лзаанаҭ аҿы, аха лыгәҭакқәа зегьы дзырхьымӡакәа , лыҧсҭазаара далҵуеит. Лара илзааигәаз,  дыздыруаз зегьы рхаҿы даанхоит дҩыза бзианы, уаҩ иашаны, Аҧсадгьыл дапатриотны.

Наала Чхьынџьериаҧҳа, Леон Адлеиба, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Сергеи Багаҧшь ибаҟа ақәыргыларазы аконкурс рылаҳәахоит. Амонументалтә ҟазаразы аҳәынҭқарратә комиссиа аилатәара аихшьаалақәа.
11
Ахәаҧшцәа хәыҷқәа идырбан ауаҧс жәлар рҳәамҭақәа рмотивқәа рыла иқәыргылоу «Ашьхақәа рлегенда» захьӡу аспектакль.
5
Аминистрра асаит аҿы иаҧҵоуп ашәахтәшәаҩы иуада захьӡу амаҵзура.
3
Уаҟа ирылацәажәеит Аҧсны иналукааша аполитикатә усзуҩцәеи, аруааи, аҟазара аусхки рҿы зыхьӡ нагоу рбаҟақәа рықәыргылара азҵаара.
Алаҳәарақәеи адныҳәаларақәеи
АГТРК